Qazaqstan KVN odaǵynyń tóraǵasy Esen Eleýken 1 qyrkúiekte jumysyn bastaityn oiyn-saýyqtyq «Tamasha tv» telearnasynyń basshylyǵyna keldi, dep habarlaidy "Ult aqparat".
«Tamasha tv» telearnasy «Qazaqstan» teleradiokorporatsiiasyna qarasty tórtinshi telearna bolyp otyr.
«2018 jyldyń 1 qyrkúieginen bastap oiyn-saýyqtyq «Tamasha tv» telearnasy efirge jol tartady. Jańa telearna OtauTV jáne iDTV paketterinde HD formatynda qoljetimdi bolady. Sondai-aq, aldaǵy ýaqytta basqa da kabeldik operatorlarda SD formatta taratylatyn bolady. Búgingi kúni spýtniktik OTAÝ TV operatorynyń aýditoriiasy shamamen 900 myńǵa jýyq bolsa, al ID TV-di 413406-ǵa jýyq abonent qoldanady.
«Tamasha tv» telearnasynyń efiri «Qazaqstan» teleradiokorporatsiiasynyń ishki teleónimimen tolyqtyryltyn bolady», - delingen teleradiokorporatsiianyń habarlamasynda.
Jańa telearna «Ázil álemi» «Jaidarman», « Haha-shoý», «Ázil man», «Kóńildi tapqyrlar alańy», «Qyzyq eken», komediialyq telehikaialar jáne taǵy basqa qyzyqty jobalardy usynbaq. Sondai-aq, ol teleradiokorporatsiia muraǵatynda jyldar boiy saqtalǵan, kezinde kórermenniń kóńilinen shyqqan tanymal oiyn-saýyqtyq baǵdarlamalar efirge qaitadan oralatyn bolady.
«Tamasha tv» telearnasynyń ortasha táýliktik habar taratý ýaqyty 22 saǵatty quraityn bolady.
