Jeksenbide "Edinaia Rossiia" partiiasy músheleriniń aldynda sóilegen Vladimir Pýtin Aýǵanstandaǵy tálipter rejiminen qashqan bosqyndardy AQSh pen Eýropa vizasyn alǵanǵa deiin Ortalyq Aziia elderine ornalastyra turý jónindegi Batystyń usynysyn synady.
Resei prezidenti bul ideiany "qorlaý" jáne "Resei qaýipsizdigine qater tóndirý" dep baǵalady.
"Aýǵanstan týraly qazir ǵana aityldy. Bul bizdiń qaýipsizdigimizge tikelei qatysy bar", - dedi ol partiia ókilderimen kezdesýde.
Pýtin Batys elderi AQSh pen basqa elderge viza almastan buryn, bosqyndardy Ortalyq Aziia elderine ornalastyrý máselesin tabandy túrde kóterip otyrǵanyn atap ótti.
"Bul degenimiz, olar ózderine bosqyndardy vizasyz qabyldaǵysy kelmeidi, biraq Ortalyq Aziia elderi vizasyz ýaqytsha ornalastyrýyn surap otyr. Bul - máseleni sheshýdiń joly emes, jalpy negizde qorlyq qoi", - dep jalǵastyrdy Pýtin.
Onyń aitýynsha, bul másele dúisenbide UQShU elderi basshylary men basqa da organ músheleriniń kezdesýinde talqylanatyn bolady.
"Elestetip kórińizshi, bul elderdiń kez kelgenine bosqyndar kirdi delik. Ol bosqyndardyń ishinde kimder baryn biz qaidan bilemiz? Olar myń nemese júzdegen myń, tipti million bolýy múmkin. Al bizdiń odaqtas jáne kórshiles eldermen eshqandai vizalyq shekteýimiz joq jáne myńdaǵan shaqyrym shekaramyz bar. Shekara bolǵanda qandai? Mashinaǵa otyr, esekke otyr, áiteýir bir kólikke otyryp, dalamen kete ber... Ony biz qalai retteimiz?", - deidi Resei basshysy.
Ol Kavkazdaǵy oqiǵalardyń qaitalanýynan da seskenetinin jasyrmady.
"Biz bosqyndardyń keipine enip, elimizde qaitadan sodyrlardyń paida bolǵanyn qalamaimyz. Biz qaitadan 90-jyldardyń ortasy men eki myńynshy jyldyń basynda bolǵan oqiǵalardyń kórinis tabýyna qarsymyz. Eshkim ol kezeńge oralǵysy kelmeidi. Bizge de Siriia men Aýǵanstannyń elementteri (qylmys) qajet emes" degen Pýtin Ortalyq Aziia elderi shekarasynyń "ashyqtyǵyn" eske aldy.
Al, buǵan deiin Resei Syrtqy ister ministri Sergei Lavrov Pýtin men "Edinaia Rossiia" ókilderi arasyndaǵy kezdesýde "Taliban" soǵysty toqtatý jáne Aýǵanstandaǵy ulttyq dialogty bastaý týraly ýádelerin áli de oryndap jatqanyn málimdep, eldiń negizgi ókilderimen alǵashqy bailanystardy bastaǵanyn aitqan edi.
Aita keteiik, tamyzdyń ortasynan bastap Aýǵanstannyń myńdaǵan azamaty tálipterden qaýiptenip, elden shyǵyp ketýge jantalasyp jatyr. Olar Aýǵanstannyń negizgi bóligine baqylaý ornatqan tálipterdiń "qýǵyndamaimyz" degen ýádesine de senbeidi.
AQSh, Ulybritaniia men Eýropanyń kei elderi Aýǵanstan bosqyndaryn qabyldaýǵa daiyn ekenin habarlady. AQSh buǵan deiin Eýropanyń birqatar elderine aýǵan bosqyndaryn ýaqytsha aparyp, keiin Amerikaǵa alyp ketýge ýáde bergen.
