QR Úkimetiniń Qaýlysymen Erjan Jumatuly Jylqybaev basqa jumysqa aýysýyna bailanysty QR eńbek jáne halyqty áleýmettik qorǵaý birinshi vitse-ministri qyzmetinen bosatyldy.
Bul týraly Úkimettiń baspasóz qyzmeti habarlady.
E. Jylqybaev 1982 jyly Ońtústik Qazaqstan oblysynda dúniege kelgen. M. Áýezov atyndaǵy Ońtústik Qazaqstan memlekettik ýniversitetin, QR Prezidentiniń janyndaǵy Memlekettik basqarý akademiiasyn, S. Amanjolov atyndaǵy Shyǵys Qazaqstan memlekettik ýniversitetin támamdaǵan.
Eńbek jolyn Ońtústik Qazaqstan oblysy Ekonomika departamentiniń áleýmettik saiasat bóliminiń bas mamany retinde bastaǵan.
Túrli jyldary QR Premer-Ministriniń Keńsesinde, QR Ekonomika jáne biýdjetti josparlaý ministrliginde, Shyǵys Qazaqstan oblysy ákimdiginiń apparatynda, QR Prezidenti Ákimshiliginde jumys istedi. 2016 jyldyń mamyr aiynan bastap 2019 jyldyń naýryz aiy aralyǵynda Almaty qalasynyń Medeý aýdanynyń ákimi laýazymynda boldy.
2019 jylǵy 26 naýryzdan bastap, 29 sáýirge deiin — QR Eńbek jáne halyqty áleýmettik qorǵaý vitse-ministri. 2019 jylǵy sáýirden qazirgi tańǵa deiin - QR Eńbek jáne halyqty áleýmettik qorǵaý birinshi vitse-ministri qyzmetterin atqaryp keldi.
