28 maýsymda elorda turǵyndary jas daryn Erjan Maksimniń airyqsha shoý-kontsertin tamashalaidy. Kontsert biletteri qysqa merzimde tolyǵymen satylyp ketti, dep habarlaidy "Ult aqparat" Mádeniet jáne sport ministrliginiń baspasóz qyzmetine silteme jasap.
Eske sala keteiik, ministrlik elorda kúnine orai «Golos. Deti» jobasynyń jeńimpazy Erjan Maksimniń alǵashqy debiýttik kontsertin daiyndap jatyr.
Búginde Erjan bul iske úlken jaýapkershilikpen daiyndalýǵa kiristi. Qazirgi tańda jas daryn Qazaqstannyń eńbek sińirgen qairatkerleri Ulyqpan Joldasov jáne Renat Gaisin syndy kompozitorlarmen kompozitsiialar jazý ústinde.
Erjannyń repertýaryndaǵy tuńǵysh avtorlyq ánderdi jeke kontsertke kelgen kórermen alǵashqylardyń biri bolyp tyńdai alady.
