Erjan Qazyhan QR Prezidenti Ákimshiligi Basshysynyń orynbasary – Qazaqstan Respýblikasy Prezidentiniń halyqaralyq yntymaqtastyq jónindegi arnaýly ókili bolyp taǵaiyndaldy, dep habarlaidy Aqorda.
«Erjan Hozeuly Qazyhan Qazaqstan Respýblikasy Prezidentiniń Ákimshiligi Basshysynyń orynbasary – Qazaqstan Respýblikasy Prezidentiniń halyqaralyq yntymaqtastyq jónindegi arnaýly ókili laýazymyna taǵaiyndalsyn» delingen Prezident Jarlyǵynda.
Erjan Qazyhan 1954 jyly 21 tamyzda Almaty qalasynda dúniege kelgen.
Leningrad Memlekettik ýniversitetiniń Shyǵys fakýltetinde bilim alyp, 1987 jyly oqýyn támamdaǵan.
Tarihshy, shyǵystanýshy. Tótenshe jáne Ókiletti Elshi diplomatiialyq dárejesi bar.
1989-1992 jyldar aralyǵynda QazSSR Syrtqy ister ministrligi Protokoldyq-saiasi bóliminiń ekinshi hatshysy, birinshi hatshysy. 1992-1995 jyldary Qazaqstan Respýblikasynyń Memlekettik protokol basqarmasynyń bólim bastyǵy, basqarma bastyǵynyń orynbasary. 1995-2000 jyldary Birikken Ulttar Uiymy janyndaǵy Qazaqstan Respýblikasy Turaqty Ókildiginiń birinshi hatshysy, keńesshisi retinde jumys istedi. 2000 jyldan bastap Qazaqstan Respýblikasynyń Syrtqy ister ministrligi Kóp jaqty yntymaqtastyq departamentiniń direktory. 2003 jyldan Qazaqstan Respýblikasynyń Birikken Ulttar Uiymy janyndaǵy Turaqty ókili, Qazaqstan Respýblikasynyń Kýba Respýblikasyndaǵy Tótenshe jáne Ókiletti Elshisi qyzmetin qosa atqarýshy. 2007-2008 jyldary Qazaqstan Respýblikasy Syrtqy ister ministriniń orynbasary qyzmetin atqardy. 2008 jyldyń aqpanynan jeltoqsanǵa deiin Qazaqstan Respýblikasy Prezidentiniń kómekshisi. 2009-2011 jyldar aralyǵynda Qazaqstan Respýblikasynyń Avstriia Respýblikasyndaǵy Tótenshe jáne Ókiletti Elshisi, Qazaqstan Respýblikasynyń Vena qalasyndaǵy halyqaralyq uiymdar janyndaǵy Turaqty ókili retinde eńbek jolyn jalǵastyrdy. 2011 jyldyń aqpan jáne sáýir aralyǵynda – Qazaqstan Respýblikasy Syrtqy ister ministriniń orynbasary. 2011 jyldyń 11 sáýirinen 2014 jyldyń 17 qyrkúiegine deiin Qazaqstan Respýblikasy Syrtqy ister ministri qyzmetin atqardy. 2014 jylǵy 17 qyrkúieginen Qazaqstannyń Ulybritaniiadaǵy Tótenshe jáne Ókiletti Elshisi. 2017-2021 jj. Qazaqstan Respýblikasynyń Amerika Qurama Shtattaryndaǵy Tótenshe jáne Ókiletti elshisi.
«Eren eńbegi úshin» medalimen (2005), «Qazaqstan Respýblikasynyń Táýelsizdigine 10 jyl» (2001), «Qazaqstan Respýblikasynyń Konstitýtsiiasyna 10 jyl» (2005), «Qazaqstan Respýblikasynyń Parlamentine 10 jyl» (2006), «Astananyń 10 jyldyǵy» (2008) mereitoilyq medaldarymen marapattalǵan.
