Qazaqstan Respýblikasy saýda jáne integratsiia ministriniń buiryǵymen Erjan Qaldybaiuly Qazanbaev Qazaqstan Respýblikasy Saýda jáne integratsiia ministrliginiń Saýda komitetiniń tóraǵasy qyzmetine taǵaiyndaldy. Bul týraly QR Premer-Ministriniń baspasóz qyzmeti habarlaidy.
Erjan Qazaqbaev 1983 jyly Almaty oblysynda dúniege kelgen. Almaty tehnologiialyq ýniversitetin, Aberdin ýniversitetin bitirgen.
Eńbek jolyn 2008 jyly «Ekspress Bank» AQ-da komplaens-baqylaýshy bolyp bastaǵan. Sondai-aq kommertsiialyq qurylymdarda jumys istedi.
2010-2012 jyldary — QR Ekonomika jáne biýdjettik josparlaý ministrliginiń Investitsiialyq saiasat departamentiniń Investitsiialyq saiasat basqarmasy sarapshysynyń m. a., sarapshysy.
2012-2013 jyldary — QR Ekonomikalyq damý jáne saýda ministrliginiń Kásipkerlikti qarjylyq qoldaý basqarmasynyń basshysy.
2013 jyly — Ekonomika jáne biýdjettik josparlaý ministrliginiń Memleket mindettemelerin basqarý jáne qarjy sektoryn damytý saiasaty departamenti memleket mindettemelerin basqarý saiasaty basqarmasynyń basshysy.
2013-2016 jyldary — Qazaqstan Respýblikasy Ekonomika jáne biýdjettik josparlaý ministrliginiń Ekonomika salalaryn damytý departamenti direktorynyń orynbasary.
2016-2019 jyldary — QR Ulttyq ekonomika ministrligi Ekonomika salalaryn damytý departamentiniń direktory.
2020 jylǵy jeltoqsannan 2022 jylǵy qańtarǵa deiin QR saýda jáne integratsiia vitse-ministri qyzmetin atqardy.
