Shyǵys Qazaqstan oblysyndaǵy Ertis ózeninde balyq qyryldy, dep habarlaidy "Ult aqparat".
Zaisan-Ertis oblysaralyq basseindik balyq sharýashylyǵy inspektsiiasyna 9 sáýirde Ertis ózeninde balyqtardyń qyrylǵandyǵy týraly aqparat kelip túsken.
Sol kúni inspektsiia mamandary bekitilgen talapqa sáikes, Shyǵys Qazaqstan oblysy boiynsha Ekologiia departamentimen, Tabiǵi resýrstar jáne tabiǵatty paidalanýdy retteý basqarmasymen jáne Orman jáne ańshylyq sharýashylyǵynyń jedel áreket etý bólimimen birlesip, sý qoimasyna zertteý júrgizdi.
«Qyrylǵan móńke balyǵynyń jalpy salmaǵy – 30 keli. Qazirgi ýaqytta balyq ólekseleri tolyqtai joiyldy. Sonymen qatar zertteý jumystaryn júrgizý úshin sýdyń jáne balyqtyń synamalary alyndy», - delingen inspektsiia ókilderi taratqan habarlamada.
Balyqtyń ne sebepti qyrylǵany zertteý nátijesinen keiin belgili bolmaq.
