Mektepke deiingi orta bilim berý komitetiniń tóraǵasy Maira Meldebekova BAQ ókilderine erteńgi sońǵy qońyraý sharasy qalai uiymdastyrylatynyn aitty, dep habarlaidy QazAqparat.
«Erteń – elimizdegi mektepterdiń bári úshin sońǵy qońyraý kúni. Ony ótkizý formaty boiynsha Bilim jáne ǵylym ministrliginiń tarapynan metodikalyq nusqaýlyq jiberildi. Naqtyraq aitsaq, birneshe format usynyldy. Birinshiden, attestat alatyn synyptar úshin mekteptegi sońǵy qońyraý ekenin eskere otyryp, 9-11 synyptarǵa dástúrli formatta ótkizýdi usyndyq. Ekinshi format boiynsha ár synyp jeke ótkize alady. Jeke oqýshylardy shaqyryp ta, synyp saǵaty retinde de ótkizýge bolady. Úshinshiden, ózderiniń úirengen formaty boiynsha ótkize alady», - dedi ministrlik ókili.
Onyń aitýynsha, dásúrli formatta ótetin sońǵy qońyraýǵa ózge synyptar da qatysa alady. Mundai ruqsat mekteptiń syiymdylyǵany qarai rettelmek.
«Tek 9-11 synyptar ǵana dástúrli formatta ótkize alady dep aitýǵa da bolmaidy. Oqýshylardyń syiymdylyǵyna bailanysty múmkindik bolsa, 9 jáne 11 synyptardyń parallelderi kóp bolmasa, basqa synyptardy da ýaqyt boiynsha kezek-kezekpen shyǵaryp kádimgi dástúrli formatta uiymdastyrýǵa jol beriledi», - dedi komitet basshysy.
