Erteń Qazaqstan Prezidenti Qasym-Jomart Toqaevtyń qatysýymen Ujymdyq qaýipsizdik týraly shart uiymynyń kezekten tys sessiiasy ótedi, dep habarlaidy QazAqparat.
Basqosý onlain formatta uiymdastyrylady.
«Erteń Memleket basshysy Qasym-Jomart Toqaevtyń usynysymen UQShU-nyń kezekten tys sesiiasy onlain formatta ótedi. Sol jiynda Prezident elimizdegi ahýal boiynsha áriptesterine tolyqqandy málimet beredi. Aqordanyń resmi saitynan aqparat kútińizder. Prezident aitpaqshy, jalǵan aqparattarǵa senbei, tek qana resmi málimet kózderine senińizder degim keledi», - dedi Prezidenttiń baspasóz hatshysy Berik Ýáli «Habar 24» telearnasyna bergen suhbatynda.
Eske salaiyq, QR Prezidenti Qasym-Jomart Toqaev Ujymdyq qaýipsizdik shart uiymyna múshe elderdiń basshylarynan el aýmaǵyndaǵy terroristik qaýipti eńserý úshin Qazaqstanǵa kómek kórsetýdi suraǵan bolatyn.
Memleket basshysy UQShU-nyń ujymdyq bitimger kúshteri Qazaqstanǵa qysqa merzimdi kezeńge kelgenin atap ótti.
Búgin «Habar 24» telearnasyna bergen suhbatynda Prezidenttiń baspasóz hatshysy Berik Ýáli Ujymdyq qaýipsizdik týraly shart uiymynyń áskeri bir aptanyń ainalysynda elden qaitatynyn málim etti.
