16-18 shilde aralyǵynda Qazaqstanda aýa raiy kúrt qubylady, dep habarlaidy ult.kz.
Eldiń batysy, soltústigi, ortalyǵy men shyǵysynda nóser jańbyr, naizaǵai, burshaq jáne ekpindi jel bolsa, ońtústik óńirlerde aptap ystyq saqtalyp, aýa temperatýrasy +46°S-qa deiin kóteriledi.
Qazaqstannyń basym bóliginde sinoptikalyq jaǵdai ózgeredi. Soltústik-batys tsiklony men oǵan bailanysty atmosferalyq fronttardyń ótýine bailanysty elimizdiń batysynda, soltústiginde, ortalyǵynda jáne shyǵysynda aýa raiy qubylmaly bolady.
Jańbyr jaýyp, naizaǵai oinaidy. 16-17 shilde kúnderi kei jerlerde nóser jańbyr jaýyp, burshaq túsýi, ekpindi jeldiń kúsheiýi múmkin.
Jaýyn-shashynnyń áserinen elimizdiń batysynda aptap ystyq birtindep báseńdeidi. Kúndiz aýa temperatýrasy +22…+35°S bolady. Soltústikte temperatýra ýaqytsha +21…+36°S-qa deiin tómendeidi. Al ortalyq pen shyǵys óńirlerde óte qatty ystyq saqtalyp, aýa temperatýrasy +41°S-qa deiin kóteriledi.
Sonymen qatar elimizdiń ońtústiginde, ońtústik-shyǵysynda jáne ońtústik-batysynyń jekelegen aýdandarynda Orta Aziiadan keletin ystyq aýa massalarynyń yqpaly saqtalady. Bul óńirlerde negizinen jaýyn-shashynsyz aýa raiy kútiledi. Tek ońtústik-shyǵystyń taýly aimaqtarynda ótkinshi jańbyr jaýyp, naizaǵai oinaýy múmkin.
Kúndiz aýa temperatýrasy +41…+46°S-qa deiin jetip, bul kórsetkish klimattyq normadan joǵary bolady.
