Aqmola oblysynyń ákimi Ermek Marjyqpaev kóz jumǵan 19 jastaǵy fýtbolshy Roman Ziýzinniń otbasyna kóńil aityp, bul isti jeke baqylaýyna alatynyn aitty, dep habarlaidy "Ult aqparat".
«Birinshiden, Romannyń ata-anasyna qaiǵyryp, kóńil aitamyn. Ekinshiden, bólek komissiia qyzmettik tergeý júrgizetin bolady. Máseleni jeke baqylaýyma alamyn», - dep jazdy Ermek Marjyqpaev Instagram-da.
Eske sala keteiik, «Oqjetpes» komandasynyń quramynda oinaǵan 19 jastaǵy fýtbolshy 14 tamyz kúni Kókshetaýda kóz jumdy.
Dárigerler onyń óliminiń sebebin «aýrýhanaǵa kesh qaralý, sepsistik jaǵdaimen asqyna túsken irińdi qabyný protsesi» dep atady.
Keiin Roman Ziýzinniń týǵan-týystary áleýmettik jeli arqyly em-domnyń durys júrgizilmegendigine qoǵamnyń nazaryn aýdartpaq boldy.
Aqmola oblystyq Politsiia departamentiniń baspasóz qyzmetinen málim etkendei, fýtbolshynyń ata-anasynyń áleýmettik jelidegi jazbasy boiynsha «Meditsinalyq nemese farmatsevtikalyq qyzmetkerdiń óz kásibi mindetin durys oryndamaýy» babymen sotqa deiingi tergep-tekserý amaldary bastaldy.
