اقمولا وبلىسىنىڭ ەكٸمٸ ەرمەك مارجىقپاەۆ كٶز جۇمعان 19 جاستاعى فۋتبولشى رومان زيۋزيننٸڭ وتباسىنا كٶڭٸل ايتىپ, بۇل ٸستٸ جەكە باقىلاۋىنا الاتىنىن ايتتى, دەپ حابارلايدى "ۇلت اقپارات".
«بٸرٸنشٸدەن, روماننىڭ اتا-اناسىنا قايعىرىپ, كٶڭٸل ايتامىن. ەكٸنشٸدەن, بٶلەك كوميسسييا قىزمەتتٸك تەرگەۋ جٷرگٸزەتٸن بولادى. مەسەلەنٸ جەكە باقىلاۋىما الامىن», - دەپ جازدى ەرمەك مارجىقپاەۆ Instagram-دا.
ەسكە سالا كەتەيٸك, «وقجەتپەس» كومانداسىنىڭ قۇرامىندا ويناعان 19 جاستاعى فۋتبولشى 14 تامىز كٷنٸ كٶكشەتاۋدا كٶز جۇمدى.
دەرٸگەرلەر ونىڭ ٶلٸمٸنٸڭ سەبەبٸن «اۋرۋحاناعا كەش قارالۋ, سەپسيستٸك جاعدايمەن اسقىنا تٷسكەن ٸرٸڭدٸ قابىنۋ پروتسەسٸ» دەپ اتادى.
كەيٸن رومان زيۋزيننٸڭ تۋعان-تۋىستارى ەلەۋمەتتٸك جەلٸ ارقىلى ەم-دومنىڭ دۇرىس جٷرگٸزٸلمەگەندٸگٸنە قوعامنىڭ نازارىن اۋدارتپاق بولدى.
اقمولا وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, فۋتبولشىنىڭ اتا-اناسىنىڭ ەلەۋمەتتٸك جەلٸدەگٸ جازباسى بويىنشا «مەديتسينالىق نەمەسە فارماتسەۆتيكالىق قىزمەتكەردٸڭ ٶز كەسٸبي مٸندەتٸن دۇرىس ورىنداماۋى» بابىمەن سوتقا دەيٸنگٸ تەرگەپ-تەكسەرۋ امالدارى باستالدى.
