Baǵa dálizderin belgileý arqyly baǵanyń uzaqmerzimdi turaqtylyǵyn qamtamasyz etý jáne gaz baǵasynyń alypsatarlyq kóterilýine jol bermeýdiń júieli sharalary júzege asyrylady. Bul týraly Májilis depýtaty Erlan Sairov Facebook-tegi paraqshasynda jazdy, dep habarlaidy QazAqparat.
«QR Premer-Ministri A. Maminniń ókimimen Mańǵystaý oblysyndaǵy áleýmettik-ekonomikalyq jaǵdaidy qarastyrý úshin Úkimettik komissiia quryldy.
Memleket basshysynyń tapsyrmasyn oryndaý maqsatynda Úkimet suiytylǵan munai gazynyń baǵasyn retteý boiynsha sharalar toptamasyn iske asyrady.
Básekelestikti qorǵaý jáne damytý agenttigi AJQS ielerine qatysty baǵalyq sóz bailasý boiynsha tergeýdi bastady», - dedi Erlan Sairov.
Onyń aitýynsha, Mańǵystaý oblysynyń AJQS ieleri biznestiń áleýmettik jaýapkershiligi aiasynda bastamashylyq tártippen gaz qunyn litrine 120 teńgeden 85-90 teńgege deiin tómendetý týraly sheshim qabyldady.
«Baǵa dálizderin belgileý arqyly baǵanyń uzaq merzimdi turaqtylyǵyn qamtamasyz etý jáne gaz baǵasynyń alypsatarlyq kóterilýine jol bermeýdiń júieli sharalary júzege asyrylatyn bolady.
Bizge dál búgin birlik, yntymaq, sabyr qajet.
«Sabyr túbi sary altyn!».
Sabyr saqtaiyq, Aǵaiyn!», - dedi depýtat.
