Saiasattanýshy Erlan Sairov «QR-da beibit jiyndardy uiymdastyrý jáne ótkizý tártibi» týraly zań jobasyna pikirin bildirdi, dep habarlaidy QazAqparat.
«Jalpy, ministrliktiń usynystarynyń barlyǵy durys. Bul zań kerek. Degenmen bul zań Qazaqstan azamattaryn bei-jai qaldyryp otyrǵan joq. 2-3 top paida boldy. Mine, osy 2-3 toptyń arasynda antoganizm bolmaýy qajet. Protsestiń barlyǵy beibit, kelisim, konsenýs aiasynda bolýy tiis», - dedi saiasattanýshy.
Onyń paiymynsha, zań jobasynyń tujyrymdamasyna qatysty taraptardyń ustanymdaryn bir arnaǵa oiystyrý óte mańyzdy.
«Elimizdiń azamattary retinde ustanymdarymyzdy jaqyndastyrýymyz qajet. Meniń oiymsha, qazir zańnyń árbir babyn talqylaǵannan góri osy qujatqa qatysty ustanymy bar azamattardy shaqyryp, birlesken komissiia qurǵanymyz jón siiaqty. Óitkeni, bizdiń árbir is-sharamyz, qadamymyz eń aldymen ulttyq yqpaldastyqqa, ulttyq birlikke alyp kelýi tiis. Bir top ókilderiniń oi-pikirin elemeitin bolsaq, onda elimizde qoǵam arasyndaǵy syna paida bolady. Onyń esh qajeti joq», - dedi Erlan Sairov.
Eske sala ketsek, QR Aqparat jáne qoǵamdyq damý vitse-ministri Daniiar Esin Ádilet ministrliginde ótken vedomstvoaralyq komissiia otyrysynda «Qazaqstan Respýblikasynda beibit jiyndardy uiymdastyrý jáne ótkizý tártibi» týraly zań jobasynyń tujyrymyn tanystyrǵan bolatyn.
