Ortalyq kommýnikatsiialar qyzmetinde QR Densaýlyq saqtaý ministrliginiń ókilderi Qazaqstannyń qazirgi epidemiologiialyq ahýaly men halyqty dári-dármekpen qamtamasyz etý máseleleri jóninde baspasóz máslihatyn ótkizip jatyr, dep habarlaidy "Ult aqparat".
«Búginde elimiz «jasyl» aimaqta, iaǵni táýekeli tómen aimaqta tur. Qaýpi joǵary nemese «qyzyl» aimaqta eki óńir bar. Olar: SQO men Pavlodar oblysy. Aldyńǵy aptamen salystyrǵanda «qyzyl» aimaqtan «sary» aimaqqa Qostanai jáne Aqmola oblystary aýysty, qazir «sary» aimaqta Almaty, Nur-Sultan qalalary, ShQO jáne Atyraý oblystary tur. «Sary» aimaqtan «jasyl» aimaqqa BQO aýysty», - dedi baspasóz máslihatynda QR Densaýlyq saqtaý vitse-ministri – bas memlekettik sanitarlyq dáriger Erlan Qiiasov.
Onyń aitýynsha, ótken eki apta ishinde koronavirýspen aýyrǵandar sany 10 paiyzǵa kóterilgen. Aýrý-syrqaýdyń ósý jaǵdaiy Atyraý oblysynda 1,9 ese, Jambyl oblysynda 1,8 ese, Aqmola oblysynda 1,7 ese, Pavlodar oblysynda 1,5 ese óskeni baiqalady
