Belgili saiasattanýshy, ǵalym, memleket jáne qoǵam qairatkeri Erlan Qarin «Qazaqstan» Respýblikalyq Teleradiokorporatsiiasy» Aktsionerlik Qoǵamynyń Basqarma Tóraǵasy bolyp taǵaiyndaldy, dep habarlaidy "Ult aqparat".
Buǵan deiin QSZI basqarǵan Erlan Tynymbaiuly 1976 jyly 26 mamyrda Ońtústik Qazaqstan oblysynyń Sairam aýdanynda dúniege kelgen. Q.Jubanov atyndaǵy Aqtóbe memlekettik ýniversitetin, Ál-Farabi atyndaǵy Qazaq ulttyq ýniversitetiniń aspirantýrasyn bitirgen. Saiasattaný ǵylymdarynyń kandidaty.
Eńbek jolyn 1996 jyly Q. Jubanov atyndaǵy Aqtóbe memlekettik ýniversiteti saiasattaný kafedrasynda muǵalim bolyp bastaǵan. Ár jyldary E.Qarin Saiasi zertteýlerdiń Ortalyq-Aziialyq agenttiginiń direktory, «Asar» Respýblikalyq partiiasy tóraǵasynyń birinshi orynbasary, Antiterroristik baǵdarlamalar ortalaǵynyń basshysy, Mańǵystaý oblysy ákiminiń saiasi máseleler jónindegi keńesshisi, QR Prezidenti Ákimshiliginiń ishki saiasat bóliminiń meńgerýshisi, «Nur Otan» HDP strategiialyq damý jónindegi hatshysy, Qazaqstan strategiialyq zertteýler institýtyna direktory bolyp qyzmet atqarǵan.
Sonymen birge, Erlan Qarin - Qazaqstandaǵy Djiý-djitsý men MMM qurmetti prezidenti. Qazaqstandyq jáne sheteldik ǵylymi jáne merzimdik basylymdarda jaryq kórgen 100 astam maqalalar avtory. «Kurmet» ordenimen (2010), «Astanaǵa 10 jyl» (2008), «Qazaqstan Respýblikasy táýelsizdigine 20 jyl» (2011), «Qazaqstan Respýblikasy Qarýly kúshterine 20 jyl» (2012) mereitoilyq medaldarymen marapattalǵan.
Eske salaiyq, Kemelbek Oishybaev 24 qańtarda "Qazaqstan" RTRK" AQ Basqarma tóraǵasy qyzmetinen ketken bolatyn.
