Erevanda saýda ortalyǵynda jarylys bolyp, 50 adam jaralandy. Bir adam qaza boldy. Qutqarý jumystary jalǵasyp jatyr, - dep habarlaidy Tengrinews.kz.
"Zardap shekkenderdiń arasynda balalar da bar. Olar meditsinalyq kómekke zárý.
Saýda ortalyǵynda bolǵan joiqyn jarylystan keiin órt shyqty. Qyzyl jalyn pirotehnika saqtalǵan qoimany da sharpydy. Birneshe jarylystardan keiin saýda ǵiamaraty opyrylyp tústi", - delingen habarlamada.
Eldegi Tótenshe jaǵdailar ministrligi basshysynyń aitýynsha, úiindiler astynda adamdar bar. Qyzyl jalyndy aýyzdyqtaý úshin eki júzden astam qutqarýshy men órt sóndirýshi jumyldyryldy.
Armeniia Respýblikasy Densaýlyq saqtaý ministrliginiń málimetinshe, jaralanǵandar "Armeniia", "Erebýni", "№ 1 ýniversitet aýrýhanasy", "Sýrb Astvatsamair", "Shengavit" jáne "Izmirlian" meditsinalyq ortalyqtaryna jatqyzylǵan.
