«Hashdi Shaabi» irandyq shiit jasaǵynyń adamdary Baǵdattaǵy AQSh elshiligi aýmaǵynan ketti. Olar eki kún boiy elshilikte narazylyq aktsiiasyn ótkizgen bolatyn, dep habarlaidy Anadoly agenttigi.
Bul jóninde Irak áskeriniń Birikken jedel qolbasshylyǵynan málim boldy.
«Baǵdattaǵy AQSh elshiliginiń aldyna jáne ainalasyna jinalǵan búkil demonstranttar diplomatiialyq missiianyń aýmaǵynan ketti, al shatyrlar jinap alyndy» delingen habarlamada.
Shahardaǵy AQSh elshiliginiń qaýipsizdigin iraktyq áskeri kúshter qamtamasyz etip jatyr, dep málim etti Irak áskeriniń Birikken jedel qolbasshylyǵy.
Sherý kezinde Baǵdattaǵy AQSh elshiligi konsýldyq jumysyn toqtatqan bolatyn.
Munyń aldynda «Hashdi Shaabi» óz jaqtastaryn Baǵdattaǵy AQSh elshiligindegi narazylyq aktsiiasyn toqtatýǵa shaqyrǵan edi, alaida demonstranttar bul úndeýge qulaq aspady.
Narazylyq aktsiiasy AQSh áskeri-teńiz kúshteriniń «Hashdi Shaabi» jasaǵynyń Iraktyń batysyndaǵy Al-Anbar provintsiiasynda ornalasqan bazasyn atqylýyna túrtki boldy.
Eske sala keteiik, AQSh-tyń memlekettik hatshysy Maik Pompeo Qazaqstandy qosa alǵanda, 5 memleketke saparyn keiinge qaldyrǵan bolatyn. Bul sheshimdi ol Baǵdattaǵy AQSh elshiliginde bolǵan ereýilderge bailanysty qabyldaǵan.
