2022 jyly erekshe bilim berý qajettilikteri bar talapkerlerge UBT tapsyrý úshin qosymsha ýaqyt beriledi, dep habarlaidy QazAqparat Bilim jáne ǵylym ministrliginiń baspasóz qyzmetine silteme jasap.
Bilim jáne ǵylym ministri Ashat Aimaǵambetovtiń tapsyrmasy boiynsha Ulttyq testileý ortalyǵy erekshe qajettilikteri bar talapkerler UBT-ny qolaily jaǵdailarda ótýi úshin birqatar shara qabyldaityn boldy. Vedomstvonyń málimetinshe, kelesi jyly kórý, estý, tirek-qimyl apparatynyń fýnktsiialary buzylǵan oqýǵa túsýshiler negizgi 240 minýttan basqa testileý tapsyrmalaryn oryndaý úshin qosymsha 40 minýt alady. Iaǵni, olar UBT - ny basqalarǵa qaraǵanda uzaǵyraq - 4 saǵat 40 minýt ishinde tapsyra alady.
«Biz úshin jumystyń eń basty baǵyty – talapkerlerdiń múddesi. Biz UBT-ny jylyna birneshe ret ótkizemiz. Biz talapkerlerdiń, sonyń ishinde erekshe bilim berý qajettilikteri bar talapkerlerdiń testileýdi yńǵaily tapsyrýy úshin jaǵdai jasaýdy jalǵastyramyz. Olar úshin UBT tapsyrý ýaqyty taǵy 40 minýtqa uzartylady. Sonymen qatar erekshe qajettilikteri bar talapkerlerge arnalǵan tapsyrmalardyń mazmunyna da ózgerister engiziledi. Olar úshin syzbalarsyz, diagrammasyz test nusqalary jasaldy. Osyǵan deiin bilim jáne ǵylym ministri A.Aimaǵambetov bizge osyndai tapsyrma bergen bolatyn. Bul ózgerister olar úshin UBT - dan ótýdi aitarlyqtai jeńildetedi», — dep atap ótti Ulttyq testileý ortalyǵynyń direktory Rýslan Emelbaev.
Bul rette, testileýdi tapsyrý kezinde ashyqtyq qaǵidatyn qamtamasyz etý mańyzdy. Osyǵan deiin ministrlik keshendi sharalar qabyldaǵan bolatyn. Kelesi jyly testileý «1 kompiýter - 2 kamera - 1 testilenýshi» qaǵidaty boiynsha júrgiziledi. Oqýǵa túsýshiniń jumys ornynda negizgi kameradan basqa, testilenýshiniń dybysyn jazý jáne qozǵalysyn tirkeý úshin qosymsha aldyńǵy veb-kamera ornatylady. Frontaldy veb-kamera oqýǵa túsýshiniń jeke basyn sáikestendirýge jáne UBT kezinde bógde adamdardyń kirýin boldyrmaýǵa múmkindik beredi. Sondai-aq bul emtihan tapsyrý barysyna baqylaý júrgizý jáne testileýdiń ashyqtyǵyn qamtamasyz etý úshin qajet.
UBT-2022 aiaqtalǵannan keiin kúntizbelik jyldyń sońyna deiin beinejazbalarǵa taldaý júrgiziledi. Tyiym salynǵan zattardy paidalaný nemese basqa da buzýshylyq faktileri anyqtalǵan jaǵdaida, oqýǵa túsýshiniń UBT nátijeleri joiylady.
Aita keteiik, 2022 jyly UBT elektrondy formatta ótedi. Oqýǵa túsýshiler dástúrli túrde 3 mindetti pándi (Qazaqstan tarihy, matematikalyq saýattylyq, oqý saýattylyǵy) jáne 2 beiindi pándi tapsyrady.
