Ánshi, prodiýser Erbolat Bedelhan Ninety One tobymen jumysyn nege toqtatqany týraly aitty. Ol "Meniń ómirim" baǵdarlamasynda osy jaitqa qatysty pikir bildirdi, - dep habarlaidy Massaget.kz.
Erbolat Bedelhan Ninety One tobymen jumysy kelisimsharttyń merzimi bitýine bailanysty aiaqtalǵanyn, kelispeýshilik paida bolǵanyn aitty.
"Iá, kelisimshart 100 paiyz oryndaldy, biraq onyń aiaqtalatyn merzimi keldi. 8 jylda qiyn-qystaý kezeń de boldy, jetistik te boldy, halyqtyń súiispenshiligine de ie boldyq. Meniń basty maqsatym - naryq qalyptastyrý. Tek bir "Orda" toby ne Ninety One tobyn quryp, jai prodiýserlik jumysty atqara bersem bolar edi. Biraq naryqta q-pop-ty keńinen taratqym keledi. Jigitter de osyny basynan bildi. Kelisimshart bitkennen keiin jigitter ózderin top retinde damytqysy keletinderin aitty. Bul - tańdaý. Bizde eki jaqtan da kelisimshartty jańartýǵa, birge jumys isteýge qatty tyrystyq, biraq meniń tańdaýym boldy, balalardyń tańdaýy boldy. Sondyqtan kelispei qaldyq. Kelispeýshiliktiń sebebi - tańdaý. Men úshin Ninety One belgili bir kezeń boldy. Demek, ýaqytymnyń biraz paiyzyn topqa arnaýym kerek pe, álde naryqty zertteýge arnaiyn ba degen suraqtar týyndady. Al balalardyń tańdaýy top retinde ózderin shyńdaý edi", - deidi ártis.
Prodiýser taǵy top qurý oiynda bar ma degen suraqqa jaýap berdi. Onyń aitýynsha, Ninety One tobynan basqa qyzdar tobyna prodiýserlik etedi.
"Árine, bar. Bul - meniń kompaniiamnyń bir bóligi", - dedi Erbolat Bedelhan.
Budan basqa, prodiýser IT salasynda eki startap bastaǵanyn aitty. Birinshisi - Qos onlain strim platformasy, onlain kinoteatr. Ekinshi sala - JUZ Musis, mýzyka dúkenderimen jumys.
