Foto: t.me/KZgovernment
Erbol Tileshov Ǵylym jáne joǵary bilim ministrligi Til saiasaty komitetiniń tóraǵasy qyzmetine taǵaiyndaldy, - dep habarlaidy "Ult aqparat" Úkimettiń baspasóz qyzmetine silteme jasap.
"QR ǵylym jáne joǵary bilim ministriniń buiryǵymen Erbol Erdembekuly Tileshov Qazaqstan Respýblikasy Ǵylym jáne joǵary bilim ministrligi Til saiasaty komitetiniń tóraǵasy qyzmetine taǵaiyndaldy", - delingen habarlamada.
Erbol Tileshov 1965 jyly Qaraǵandy oblysynda dúniege kelgen. Abai atyndaǵy Qazaq Eńbek Qyzyl Tý ordendi pedagogikalyq ýniversitetin bitirgen.
1992-2001 jyldary S.Seifýllin atyndaǵy Aqmola ýniversitetiniń qazaq ádebieti kafedrasynda oqytýshy, aǵa oqytýshy bolyp jumys istegen.
2001-2002 jyldary L.Gýmilev atyndaǵy Eýraziia ulttyq ýniversitetiniń qazaq ádebieti kafedrasynyń dotsenti qyzmetin atqarǵan.
2002-2004 jyldary L.Gýmilev atyndaǵy Eýraziia ýniversiteti Gýmanitarlyq institýty direktory orynbasarynyń mindetin atqarýshy, direktorynyń orynbasary boldy.
2004-2007 jyldary "Respýblikalyq memlekettik tildi jedeldetip oqytý ortalyǵy" RMQK direktorynyń orynbasary, direktory bolyp jumys istegen.
2007 jyldan 2012 jylǵa deiin jeke kommertsiialyq qurylymdarda eńbek etken.
2012-2015 jyldary – Astana qalasy Tilderdi damytý basqarmasy bastyǵynyń mindetin atqarýshy, basshysy.
2015-2022 jyldary – "Shaisultan Shaiahmetov atyndaǵy tilderdi damytýdyń respýblikalyq úilestirý-ádistemelik ortalyǵy" RMQK direktorynyń mindetin atqarýshy, direktory, atqarýshy direktory.
2022 jylǵy naýryzdan bastap qazirgi ýaqytqa deiin "Shaisultan Shaiahmetov atyndaǵy ulttyq ǵylymi-praktikalyq ortalyǵy" KeAQ bas direktory qyzmetin atqardy.
