Úkimet otyrysynda QR Aýyl sharýashylyǵy ministri Erbol Qarashókeev azyq-túlik baǵalaryn turaqtandyrý is-sharalaryn atady, dep habarlaidy QazAqparat tilshisi.
«Memleket basshysynyń tapsyrmasymen áleýmettik mańyzy bar azyq-túlik taýarlarynyń baǵasyn turaqtandyrý maqsatynda Agroónerkásiptik keshendi damytýdyń 2025 jylǵa deiingi ulttyq jobasy aiasynda importty almastyrý jónindegi is-sharalar kesheni kózdeldi. Ministrlik mynandai jedel sharalar qabyldady: 2022 jylǵy 1 shildege deiingi merzimge 125 myń tonna kúnbaǵys tuqymdary men 110 myń tonna kúnbaǵys maiy eksportyna sandyq shekteýler engizý; kartop pen sábizdi eksporttaýǵa 3 ai merzimge tyiym salý; iri qara mal men usaq maldy eksporttaýǵa 6 ai merzimge tyiym salý», - dedi ministr.
Sondai-aq ol nan baǵasyn turaqtandyrý maqsatynda qańtardan bastap Azyq-túlik kelisimshart korporatsiiasy áleýmettik nan óndirý úshin óńirlerge ótkizetin astyq quny sýbsidiialanatyndyǵyn aitty.
«Bul tetik Azyq-túlik kelisimshart korporatsiiasynyń ishki naryqqa astyqty naryqtaǵydan tómen baǵamen ótkizý shyǵystaryn óteýdi kózdeidi», - dedi Erbol Qarashókeev.
