Eraly Toǵjanov kenshilermen úsh saǵat jer astyndaǵy kezdesýden keiin Qaraǵandy oblysy ákimimen birge kókeitesti máselelerdi talqylady, dep habarlaidy "Ult aqparat" Kásipodaqtar federatsiiasynyń baspasóz qyzmetine silteme jasap.
Qaraǵandy qalasynda Qazaqstan Respýblikasy Kásipodaqtar Federatsiiasy men oblys ákimdigi arasynda ózara yntymaqtastyq týraly memorandýmǵa qol qoiyldy. Qujatqa QRKF tóraǵasy Eraly Toǵjanov pen Qaraǵandy oblysynyń ákimi Jeńis Qasymbek qol qoiyp, bekitti.
Memorandým aiasynda taraptar áleýmettik-eńbek qatynastaryn retteýde jáne áleýmettik bastamalardy júzege asyrýdaǵy ózekti máseleler boiynsha ustanymdaryn aiqyndap, birlesken sharalar qabyldaýǵa kelisti.
Memorandýmǵa qol qoiý barysynda QRKF basshysy yntymaqtastyq aiasynda keleshekte kezek kúttirmeitin mindetterge toqtaldy.
Kásipodaqtar tóraǵasy oblys ákimine kezdesýge kelgenge deiin arnaiy «ArselorMittal Temirtaý» AQ kómir departamentine qarasty T.Kúzembaev atyndaǵy shahtaǵa túsip, 600 metrlik jer asty zaboilaryndaǵy kenshilermen júzdesip, árqaisynyń kókeitesti máselelerin bilip qaitqanyn jetkizdi.
Eraly Toǵjanovtyń aitýynsha, kenshilerdiń basym bóligi jer astyndaǵy shahterlardyń aýyr eńbegin eskerip, zeinet jasyn 50-ge deiin tómendetý jónindegi usynystaryn bildirgen. Sonymen qatar, kenshi mamandyǵyna jastardyń qyzyǵýshylyǵynyń kúrt tómendep, búginde qaraǵandylyq shahterlardyń orta jasy 45 ekendikterin de aitqan.
Osy atalǵan máselelerdi eskere otyryp, QRKF tóraǵasy oblys ákimimen birge Úkimet atyna birlesken usynystaryn daiyndap jetkizý qajet degen pikirin bildirdi.
Sonymen birge, jumysshylardyń áleýmettik-ekonomikalyq quqyqtaryn qorǵaý maqsatynda kásiporyndardy ujymdyq sharttar jasaýǵa keńinen tartý máseleleri de qozǵaldy.
Búginde Qaraǵandy oblysynda jumys istep turǵan 21 426 kásiporyndarmen 4 056 ujymdyq shart jasalsa, bul olardyń 18,9 paiyzyn ǵana qamtyp otyr.
Kásipodaqtardy alańdatatyn másele - óńir boiynsha kásiporyndardyń 81 paiyzy ujymdyq shart jasamaǵandyǵynan olardyń jumysshylarynyń quqyǵy qorǵalmaityndyǵy.
Kásipodaqtar úshin taǵy bir ótkir kúiinde qalyp otyrǵan jaǵdai - óndiristik jaraqat pen kásibi syrqattardy azaitý máselesi.
Eraly Toǵjanov osy ýaqyt ishinde Qaraǵandy oblysy boiynsha óndiriste 92 adam zardap shegip, onyń 12-si qaitys bolǵandyǵyn atap ótti.
Sondai-aq, Qaraǵandy oblysy boiynsha kásibi syrqatqa shaldyqqandar 65,8 paiyz bolsa, Shyǵys Qazaqstan oblysynda - 25 paiyz.
- Kásipodaqtar úshin jumys berýshilerdiń ujymdyq kelisimshartta kórsetilgen saýyqtyrý sharalary men áleýmettik kepildikterdi júzege asyrýy mańyzdy, - dep atap ótti Eraly Toǵjanov.
Bul kúni QR Kásipodaqtar federatsiiasy tóraǵasy professor H.M.Maqajanov atyndaǵy oblystyq travmatologiia jáne ortopediia ortalyǵynyń kásipodaq aktivimen kezdesti.
Kezdesý barysynda Qaraǵandy oblysynda 1-shi qyrkúiekten bastalǵan mindetti áleýmettik saqtandyrý pilottyq jobasynyń tusaýkeseri ótkizildi.
Jańa formattaǵy meditsinalyq qyzmettiń nátijelerimen tanysqan Eraly Toǵjanov kásipodaqtar eńbekker halyqtyń densaýlyǵyn qorǵaýdaǵy atqarylyp jatqan isterge qoldaý tanytyp qana qoimai, bul baǵytta birlese jumys isteýge ázir ekendikterin jetkizdi.
«QR Prezidenti Qasym-Jomart Toqaevtyń «Syndarly qoǵamdyq dialog-Qazaqstannyń turaqtylyǵy men órkendeýiniń negizi» Joldaýynda meditsinalyq qyzmet kórsetýdiń sapasy men qoljetimdiligin qamtamasyz etýde mindetti meditsinalyq saqtandyrý júiesin engizý jóninde atap aityldy.
Meditsinalyq kómektiń jańa modelin engizý dárigerlerdiń jalaqysyn kóbeitýge,eńbek jaǵdailaryn jaqsartýǵa, jumys ýaqytyn ońtailandyrýǵa jáne densaýlyq salasyndaǵy birqatar kadrlyq máselelerdi sheshýge septigin tigizedi.
Kásipodaqtardyń taǵy bir mańyzdy mindeti - densaýlyq salasy qyzmetkerleriniń kásibi mindetin atqarýyna qoldaý kórsetý bolyp tabylady. Bul turǵyda kásipodaqtar áleýmettik áriptesterimen birge Qazaqstandyq dárigerlerdiń kásibi qyzmetterin atqarýyna qoldaý kórsetip qana qoimai, zań aiasynda qorǵaýǵa belsene atsalysatyn bolady», - dedi QRKF tóraǵasy.
Kezdesý qorytyndysynda QRKF tóraǵasy Professor H.J.Maqajanov atyndaǵy oblystyq travmatologiia jáne ortopediia ortalyǵynyń direktory E.T. Qurmanǵalievti QRKF-nyń «Úzdik áleýmettik áriptes» belgisimen marapattady.
Úzdik kásipodaq belsendileri men kásipodaq qozǵalysynyń músheleri «SENIM» densaýlyq saqtaý qyzmetkerleriniń salalyq kásipodaǵynyń 250 myń teńgelik sertifikattaryna ie boldy.
Búginde «SENIM» densaýlyq saqtaý qyzmetkerleriniń salalyq kásipodaǵynyń Qaraǵandy oblysy boiynsha 50 bastaýysh uiymy qurylǵan, olardyń qatarynda 21 myń 384 kásipodaq múshesi bar.
