Búgin QR Premer-Ministriniń orynbasary Eraly Toǵjanov Ózbekstan Respýblikasynyń densaýlyq saqtaý ministri Behzod Mýsaevpen kezdesti. Bul týraly primeminister.kz saity habarlady.
E. Toǵjanov elimizdiń densaýlyq saqtaý salasyndaǵy damý nátijeleri men jetistikterin baiandai kele, Qazaqstan osy saladaǵy yntymaqtastyqqa jáne Ózbekstannyń densaýlyq saqtaý júiesin damytýǵa kómek pen qoldaý kórsetýge daiyn ekenin habarlady.
Bizdiń meditsina salasyndaǵy joǵary bilikti mamandarymyz halyqtyń densaýlyǵyn qamtamasyz etýge qatysty barlyq aspektiler boiynsha tájiribe men bilimmen bólise alady. E. Toǵjanov delegatsiia múshelerin QazVac koronavirýs infektsiiasyna qarsy otandyq preparattyń óndirisimen jáne tiimdiligimen tanystyra otyryp, búgingi kúni vaktsinalar pasporttaryn ózara taný jónindegi jumysty jandandyrý qajettigi týraly mańyzdy máseleni kóterdi.
Bul Qazaqstan men Ózbekstan azamattarynyń kedergisiz júrip-turýyn qamtamasyz etip, elder arasyndaǵy iskerlik bailanystardy jandandyrýǵa múmkindik beredi.
Óz kezeginde Behzod Mýsaev yntymaqtastyq úshin rizashylyǵyn bildirip, Ózbekstannyń memlekettik-jeke menshik áriptestik aiasynda meditsina salasynda júzege asyrylǵan elimizdiń jobalaryna úlken qyzyǵýshylyǵy bar ekenin habarlady. E. Toǵjanov qazaqstandyq mamandar meditsinadaǵy AT, jedel járdem jumysyn uiymdastyrý, alǵashqy meditsinalyq-sanitariialyq kómek jáne meditsina ǵylymyn ilgeriletý máselelerinde konsýltativtik jáne tehnikalyq kómek kórsetýge daiyn ekenin jetkizdi.
Kezdesý sońynda Eraly Toǵjanov barlyq qatysýshylarǵa densaýlyq, tabysty bastamalar men jemisti jumys tiledi.
