Rio-de-Janeiroda ótip jatqan HHHI Olimpiada oiyndarynda bokstan 56 keli salmaqta óner kórsetetin qazaqstandyq Qairat Eraliev ázirbaijandyq boksshy Djavid Chelebievti utqan bolatyn. Osy jekpe-jek týraly ulttyq quramanyń bas bapkeri Myrzaǵali Aitjanov jýrnalisterge óz oiymen bólisti.
«Kezdesý tartysty boldy. Qairat 2013 jyly Almatydaǵy álem chempionatynyń jartylai finalynda utylyp qalǵan edi. Sondyqtan ese qaitarýǵa degen motivatsiiasy joǵary bolady. Jalpy alǵanda jekpe-jek qiynǵa soqty. Sebebi túsinikti. Ózderińiz kórip otyrsyzdar qarsylastyń ataq-dárejesin. Alda budan da qiyn qarsylastar kútip tur. Daiyndalamyz. Barlyǵyn sharshy alań kórsetedi», – deidi Aitjanov.
Aita keteiik, Rio Olipiadasynyń alǵashqy jarys kúni 60 kelige deiingi salmaq dárejesinde óner kórsetken Berik Ábdirahmanov birinshi ainalymnan asa almai, jarysty erte aiaqtaǵan bolatyn. Keshe 49 kelidegi Birjan Jaqypov shirek finalda utylyp, júldeden qur qaldy. Al Vasilii Levit jartylai finalǵa joldama aldy.
