Úndistanda 22 jastaǵy er adam júkti kóńildesin óltirip, onyń denesin bólshektep, keibir bólikterin poiyzben basqa qalaǵa jibergen. Qylmysqa er adamnyń áieli de qatysqan degen kúdik bar, dep habarlaidy ult.kz.
Oqiǵa tamyz aiynyń basynda bolǵan. Aldyn ala málimet boiynsha, 38 jastaǵy Haiat Nishi 22 jastaǵy Manik Ýddin Laskardan júkti bolǵan. Áiel túsik jasatýdan bas tartyp, er adamnan ózine úilenýin talap etken.
Osydan keiin ekeýiniń arasynda janjal týyp, Laskar áieldi óltirgen. Keiin ol áieli Bhagavati Madjimen birge máiitti bólshektegen.
Tergeý dereginshe, er adam áieldiń shashyn da qyryp tastaǵan. Muny onyń kim ekenin anyqtaýdy qiyndatý úshin jasaǵan bolýy múmkin.
Máiittiń bir bóligi salynǵan chemodan 5 tamyzda Agra-Kantonment stantsiiasynda poiyzdyń jalpy vagonynan tabylǵan. Politsiia beinebaqylaý kameralaryndaǵy jazbalar men uialy telefon derekterin zertteý arqyly kúdiktilerdiń izine túsken.
Keiin Laskar men onyń áieli Manipýr shtatynda ustalyp, Gýdývancheri qalasyna jetkizilgen.
Tergeýshilerdiń boljamynsha, áiel jaldamaly úiinde óltirilgen. Politsiia sol jerden onyń denesiniń basqa da bólikterin tapqan.
Qazir is boiynsha tergeý amaldary júrgizilip jatyr.
