ٷندٸستاندا 22 جاستاعى ەر ادام جٷكتٸ كٶڭٸلدەسٸن ٶلتٸرٸپ, ونىڭ دەنەسٸن بٶلشەكتەپ, كەيبٸر بٶلٸكتەرٸن پويىزبەن باسقا قالاعا جٸبەرگەن. قىلمىسقا ەر ادامنىڭ ەيەلٸ دە قاتىسقان دەگەن كٷدٸك بار, دەپ حابارلايدى ult.kz.
وقيعا تامىز ايىنىڭ باسىندا بولعان. الدىن الا مەلٸمەت بويىنشا, 38 جاستاعى حايات نيشي 22 جاستاعى مانيك ۋددين لاسكاردان جٷكتٸ بولعان. ەيەل تٷسٸك جاساتۋدان باس تارتىپ, ەر ادامنان ٶزٸنە ٷيلەنۋٸن تالاپ ەتكەن.
وسىدان كەيٸن ەكەۋٸنٸڭ اراسىندا جانجال تۋىپ, لاسكار ەيەلدٸ ٶلتٸرگەن. كەيٸن ول ەيەلٸ بحاگاۆاتي مادجيمەن بٸرگە مەيٸتتٸ بٶلشەكتەگەن.
تەرگەۋ دەرەگٸنشە, ەر ادام ەيەلدٸڭ شاشىن دا قىرىپ تاستاعان. مۇنى ونىڭ كٸم ەكەنٸن انىقتاۋدى قيىنداتۋ ٷشٸن جاساعان بولۋى مٷمكٸن.
مەيٸتتٸڭ بٸر بٶلٸگٸ سالىنعان چەمودان 5 تامىزدا اگرا-كانتونمەنت ستانتسيياسىندا پويىزدىڭ جالپى ۆاگونىنان تابىلعان. پوليتسييا بەينەباقىلاۋ كامەرالارىنداعى جازبالار مەن ۇيالى تەلەفون دەرەكتەرٸن زەرتتەۋ ارقىلى كٷدٸكتٸلەردٸڭ ٸزٸنە تٷسكەن.
كەيٸن لاسكار مەن ونىڭ ەيەلٸ مانيپۋر شتاتىندا ۇستالىپ, گۋدۋۆانچەري قالاسىنا جەتكٸزٸلگەن.
تەرگەۋشٸلەردٸڭ بولجامىنشا, ەيەل جالدامالى ٷيٸندە ٶلتٸرٸلگەن. پوليتسييا سول جەردەن ونىڭ دەنەسٸنٸڭ باسقا دا بٶلٸكتەرٸن تاپقان.
قازٸر ٸس بويىنشا تەرگەۋ امالدارى جٷرگٸزٸلٸپ جاتىر.
