Jelide Almatyda er adamnyń jaiaý júrginshiler kópirine shyǵyp, sekirýge árekettengeni jaily video paida boldy. Politsiia departamenti bul oqiǵanyń mán-jaiy týraly málim etti, dep habarlaidy "Ult aqparat".
Beinejazbaǵa túsirgender keleńsiz jaǵdaidyń Rysqulov dańǵyly men Shemiakin kóshesiniń qiylysynda bolǵanyn aitty. Beinejazbadan er adamnyń ainalasynda kóp adamdardyń jinalǵany kórinedi.
«Er adam sekirýge tyrysyp jatyr. Eshqandai kelissózderge kelmei tur. Ózi jalańaiaq», - degen daýystar kadr syrtynan estiledi.
Qalalyq politsiia departamentiniń baspasóz qyzmeti abyroi bolǵanda, eshkim japa shekpegenin aitty.
«Baqytymyzǵa orai buǵan ýaqytynda tosqaýyl qoiyldy. Alǵashqy bolyp Jetisý aýdandyq politsiia basqarmasynyń politsiia psihology dabyl qaqty. Ol jaqyn jerden ótip bara jatyp, politsiianyń barlyq kúshterin: jaqyn jerdegi patrýldik politsiianyń ekipajdary men ýchaskelik inspektorlardy tarta bildi.
Nátijesinde, keiinirek belgili bolǵandai, esirtkige mas bolǵan adam, jaiaý júrginshiler kópiriniń ústinen túsirildi. Onymen profilaktikalyq áńgime júrgizildi. Ony jeke basyn anyqtaý úshin jáne odan ári meditsinalyq tekserýden ótkizý úshin Jetisý aýdanynyń politsiia basqarmasyna jetkizildi», - dedi Almaty politsiia departamentiniń resmi ókil Saltanat Ázirbek.
