Qaiǵyly oqiǵa 2026 jyldyń naýryz aiynda Astana mańyndaǵy Jibek joly aýylynda bolǵan, dep habarlaidy ult.kz.
Tergeý málimetinshe, er adam men onyń jieni arasynda uialy telefonnyń buzylýyna bailanysty janjal týyndaǵan. Jieni politsiia shaqyrǵanymen, tártip saqshylary kelgen kezde taraptar tatýlasyp, anasy ulyna qatysty eshqandai shara qoldanbaýdy ótingen.
Alaida politseiler ketkennen keiin er adam asúi baltasyn alyp, úide bolǵan adamdarǵa shabýyl jasaǵan. Saldarynan onyń anasy, jieni jáne qonaqqa kelgen eki egde jastaǵy adam oqiǵa ornynda qaza tapqan. Qurbandardyń úsheýi zeinet jasynda bolǵan.
Sot-psihiatriialyq saraptama kúdiktiniń paranoidty shizofreniiamen aýyratynyn anyqtady. Belgili bolǵandai, ol buǵan deiin, 2022 jyly da májbúrli psihiatriialyq em alǵan.
Sot er adamdy qylmystyq jaýapkershilikten bosatyp, arnaiy psihiatriialyq statsionarda májbúrli emdeýge jiberý týraly sheshim shyǵardy.
