Braziliianyń Parana shtatynda 3 jasar qyzyn aiaǵymen tepken er adam sot sheshimimen qamaýǵa alyndy. Oqiǵa kóshedegi beinebaqylaý kamerasyna túsip, áleýmettik jelilerde keńinen taralǵan, dep habarlaidy ult.kz.
Kadrlarda ákeniń eki balasymen kele jatyp, kenetten 3 jasar qyzyn teýip jibergeni kórinedi. Soqqydan sábi jerge qulap qalǵan. Oqiǵaǵa kýá bolǵan turǵyn arasha túspek bolǵanymen, kúdikti oǵan qarsylyq kórsetken.
Balalardyń anasy bul jaǵdai týraly beinejazba taralǵannan keiin ǵana bilip, politsiiaǵa aryz túsirgen. Er adam tergeý barysynda qyzyn jylaǵany úshin tepkenin moiyndaǵan. Bastapqyda dáleldiń jetkiliksizdigine bailanysty bosatylǵanymen, keiin sot ony qamaýǵa alý týraly sheshim shyǵardy.
Qazirgi tańda quqyq qorǵaý organdary qyz balaǵa, onyń baýyry men anasyna qorǵaý sharalaryn qoldanyp, isti tergeýdi jalǵastyryp jatyr.
