2020 jylǵa arnalǵan biýdjetti naqtylaý aiasynda epidemiiaǵa qarsy is-sharalarǵa qosymsha 125 283,5 mln teńge qarastyrylǵan. Bul týraly ortalyq kommýnikatsiialar qyzmetiniń alańynda ótken QR Úkimetiniń rezervinen qarajat bólý máselesine arnalǵan baspasóz konferentsiiasynda aityldy, dep habarlaidy QazAqparat tilshisi.
«Memleket basshysynyń tapsyrmasy boiynsha, 2020 jylǵa arnalǵan biýdjetti naqtylaý aiasynda epidemiiaǵa qarsy is-sharalarǵa qosymsha 125 283,5 mln teńge qarastyrylǵan. Onyń ishinde 40 609,8 mln teńge karantin sharalaryn ótkizýge atsalysqan densaýlyq saqtaý júiesindegi jumysshylardy yntalandyrýǵa baǵyttalǵan», - deidi QR Qarjy ministrliginiń birinshi vitse-ministri Berik Sholpanqulov.
Onyń aitýynsha, qosymsha tólem táýekel toptary boiynsha anyqtalady.
Birinshi qaýip-qater toby - juqpaly aýrýhana dárigerleri, orta jáne kishi meditsina qyzmetkerleri, onyń ishinde reanimatsiia bólimsheleriniń qyzmetkerleri. Bir qyzmetkerge 20 eń tómengi jalaqy kóleminde nemese 850 myń teńge beriledi.
Ekinshi táýekel toby - farmatsevtikalyq aýrýhanalar men jedel meditsinalyq járdem dárigerlerine, orta jáne kishi meditsina qyzmetkerleri. Bir qyzmetkerge - 10 eń tómengi jalaqy kóleminde nemese 425 myń teńge.
Úshinshi qaýip-qater toby - karantindik aýrýhanalardyń dárigerleri, orta jáne kishi meditsina qyzmetkerleri, sanitarlyq dárigerler (memlekettik qyzmetkerler), jedel járdem júrgizýshileri jáne basqalary.
Bir adamǵa 5 eń tómengi jalaqy mólsherinde nemese 212,5 myń teńge mólsherinde beriledi.
