Sáýir aiynyń qorytyndysy boiynsha vaktsinatsiiaǵa jatatyn azamattardyń 20 paiyzy koronavirýsqa qarsy vaktsina alýǵa tiis. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Qazirgi tańda, epidemiologiialyq jaǵdai birshama turaqtaldy. Virýstyń reprodýktivtilik indeksi 1-ge tómendedi. Aýrýhanalardaǵy oryndar – 41 paiyzǵa, reanimatsiialyq bólimderdegi oryndardyń júktelýi – 28 paiyzǵa deiin azaidy. Sondyqtan, búgingi eń mańyzdy mindet azamattarymyzdy koronavirýsqa qarsy vaktsinatsiiamen jappai qamtý bolyp tabylady», - dedi Úkimet basshysy.
Onyń atap ótýinshe, sáýir aiynyń qorytyndysy boiynsha vaktsinatsiiaǵa jatatyn azamattardyń 20 paiyzy koronavirýsqa qarsy ekpe alýǵa tiis. Vaktsinalaý jospary men óńirlerge vaktsinany jetkizý grafigin saqtaý kerek. Sondai-aq maska kiiý, qashyqtyqty saqtaý jáne adamdardyń jinalýyna jol bermeý boiynsha talaptardyń qatań saqtalýy mańyzdy.
«Keshegi kúnnen bastap kásipkerlik nysandarynda «Ashyq» qosymshasyn paidalaný bastaldy. Atap aitqanda, kinoteatrlar men teatrlarda bul joba tiimdi iske asýda. Endi «Ashyq» jobasy aiasynda kafe men meiramhanalar, sonymen qatar kórmeler, saýda ortalyqtary jáne sport obektileri, sonyń ishinde fitnes zaldary ashylýǵa daiyn. Jalpy, qazirgi jaǵdaida «Ashyq» qosymshasyn keńinen paidalaný – bizneske óz qyzmetin jandandyrýǵa múmkindik beredi», - dedi Asqar Mamin.
