12 qarashada Eýropa odaǵynyń soty Izraildi basyp alǵan aýmaqtarda shyǵarylatyn taýarlarǵa erekshe tańba qoiýǵa mindettedi.
Sot qaýlysynda tutynýshylar taýardyń arnaiy tańbasy bolmasa, egemen sýbekt aýmaǵynda emes, Izrail basyp alǵan aýmaqta shyǵarylǵan buiym nemese ónim ekenin bilmeýi múmkin dep kórsetilgen.
Qaýlyda ónim nemese buiym jaily aqparat tutynýshylarǵa "tek qana meditsina, ekologiia, ekonomika jáne áleýmettik faktorlar negizinde ǵana emes jáne etika máselesi boiynsha da oilastyrylǵan tańdaý jasaýǵa múmkindik berýi tiis" dep kórsetilgen.
"Nemetskaia volna" aqparat agenttiginiń habarlaýyna qaraǵanda, Eýropa sotynyń qaýlysynyń ústinen shaǵym qaralmaidy. Ol sońǵy qorytyndy shyǵarý úshin frantsýz sottaryna jiberiledi.
Evrei qonystarynan shyǵatyn taýarlardy tańbalaý týraly is Liýksembýrgtegi sotqa Ierýssalimge taiaý jerdegi evrei qonystarynda turatyn vino jasaýshy kompaniianyń frantsýz praktikasyna qarsylyq bildirýinen keiin túsken. Buǵan deiingi qaýlynyń mindetteýshi zań kúshi bolmaǵan.
