Eýropalyq Odaq elderi turǵyndarynyń ortasha ómir jasy tuńǵysh ret 80-nen asty. Bul týraly Eýropalyq komissiia jáne Ekonomikalyq yntymaqtastyq jáne damý uiymynyń málimdemesinde aitylǵan, - dep jazady "Interfaks-Kazahstan".
EO elderindegi adamnyń ómir jasy uzaq ýaqyt turaqsyz kórsetkishte boldy, Eýropalyq Odaq quramyndaǵy batys elderiniń turǵyndary orta jáne shyǵys aýmaǵyndaǵy elder turǵyndaryna qaraǵanda segiz jyl artyq ómir súretin delingen zertteýde.
"Aiyrmashylyqty azaitý úshin áli de kóp jumys qajet", - dedi Ekonomikalyq yntymaqtastyq jáne damý uiymynyń basshysy Anhel Gýrria,
Zertteý málimetteri boiynsha, sońǵy 20 jylda EO elderindegi ómir uzaqtyǵy ortasha alǵanda on jylǵa artqan. Degenmen, sozylmaly aýrýlar jáne onymen bailanysty qaýip faktorlary - semizdik, temeki jáne alkogol - jalpy kórsetkishge aitarlyqtai áser etedi.
Sonymen qatar, bala týý kórsetkishi tómendep otyrǵany tirkelgen, osyǵan bailanysty Eýropada egde turǵyndar sany kúrt artty. Osylaisha, 65 jastan asqan turǵyndar sany sońǵy 20 jylda 10-nan 20 paiyzǵa artqan jáne 2060 jylǵa qarai 30 paiyzǵa jetýi múmkin.
Eske salaiyq, Japoniiaǵa sapary kezinde Nursultan Nazarbaev bul elde uzaq jasaýshylar kóp ekendigin atap ótken bolatyn. Munda adamnyń ortasha ómir jasy 80-85 jyl.
