Energiia únemdeý baǵytynda jergilikti atqarýshy organdarǵa jol kartalaryn qabyldaý jáne iske asyrý boiynsha quzyret berý usynyldy.
Bul týraly Májiliste tiisti zań jobasyn tanystyrý kezinde Indýstriia jáne infraqurylymdyq damý vitse-ministri Amaniiaz Erjanov aitty, dep habarlaidy QazAqparat.
«Energiia únemdeý saiasatyn iske asyrýda jergilikti atqarýshy organdar mańyzdy ról atqarady. Búginde jergilikti deńgeide energiia únemdeý jónindegi sharalarǵa baǵyttalǵan baǵdarlamalar joq. Osyǵan bailanysty jergilikti atqarýshy organdarǵa jol kartalaryn qabyldaý jáne iske asyrý boiynsha quzyret berý usynylady», - dedi vitse-ministr.
Budan bólek, energiia únemdeýdiń eleýli áleýeti bar biýdjet sektoryn retteýdi kúsheitý maqsatynda (ákimshilik ǵimarattardyń energiia únemdeý áleýeti 40% - ǵa deiin jetedi), kelesi quraldar usynylady:
- Memlekettik mekemelerde energiia únemdeýdi qamtamasyz etetin, sonymen birge energiia tutynatyn jabdyqtar naryǵyn qaita qurýǵa serpin beretin Energiia tiimdi memlekettik satyp alýlardy engizý.
- Energiia tutyný normativterin qabyldaý, olardyń saqtalýyna monitoring júrgizý, benchmarking jáne energiia tiimdilik boiynsha tiisti usynymdardy berý.
«Sonymen qatar energiia únemdeý salasy úshin jańa memlekettik baqylaý tetigin, iaǵni sýbektilerge barmai profilaktikalyq baqylaýdy engizý, ony júrgizý tártibin aiqyndaý kózdeledi», - dedi A. Erjanov.
