Energetika ministrligi salaǵa maman toqtamai ketkenine alańdaýly, dep habarlaidy "Ult aqparat".
Energetika vitse-ministri Qairat Rahimovtyń aitýynsha, keiingi 4 jylda energetika salasynan 3 myń maman ketken.
«Elektr energetikasyndaǵy eńbekaqynyń tómen deńgeii mamandardyń basqa salalarǵa ketýine ákeledi. Elektr jáne jylý energiiasyn óndirý sektory - joǵary bilikti mamandardy talap etetin óte kúrdeli protsess. Salanyń bir ereksheligi, tipti eń tómengi laýazymdarda da arnaiy bilimdi talap etedi. Búgingi kúni biz mamandardyń ónerkásiptiń basqa salalary men shekaralas memleketterge ketýin baiqap otyrmyz», - dedi Rahimov Ortalyq kommýnikatsiialar qyzmeti alańynda ótken brifing barysynda.
Vitse-ministr mundaǵy negizgi sebep – elektr energetikasyndaǵy eńbekaqy tómendigi dep otyr.
Al maman tapshylyǵy nysandardy tapsyrý men paidalanýǵa berý merziminiń buzylýyna tap keltiretin kórinedi.
«2016 jyly Qazaqstannyń negizgi elektr stansalarynda óndiristik personaldan 26 myńnan astam adam jumys istese, 2020 jyldyń qorytyndysy boiynsha óndiris kóleminiń 15% ulǵaiǵanyna qaramastan, olardyń sany 23 myń adamnan aspaidy», - dedi Qairat Rahimov.
