Qazaqstan Respýblikasy Úkimetiniń qaýlysymen Murat Júrebekov Qazaqstan Respýblikasynyń birinshi energetika vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti habarlaidy.
Murat Júrebekov 1978 jyly Aqtóbe oblysynda dúniege kelgen. Q. Jubanov atyndaǵy Aqtóbe memlekettik ýniversitetin, Qazaqstan menedjment, ekonomika jáne boljamdaý institýtyn, «Strathclyde» ýniversitetin (Shotlandiia), «Basqarýshy qyzmetkerlerge arnalǵan baǵdarlama» mamandyǵy boiynsha Garvard biznes mektebin (AQSh) támamdaǵan.
2001-2002 jyldary — «QazTransGaz» JAQ Qarashyǵanaq jobasy boiynsha departamenttiń biýdjettik baqylaý jónindegi bas mamany.
2002-2004 jyldary — «Intergaz Ortalyq Aziia» JAQ ekonomika jáne biýdjettik josparlaý departamentiniń menedjeri.
2004-2005 jyldary — «Adjip KKO» kompaniiasynda Ókiletti organynyń tehnikalyq toby janyndaǵy mamany, London q.
2005-2010 jyldary — «QazMunaiGaz» UK AQ Soltústik Kaspii jobasy departamenti direktorynyń orynbasary.
2010-2017 jyldary «PSA» JShS jumys istedi. Kelisimsharttar men marketing montoringi departamentiniń direktorynyń orynbasary; biznes pen jergilikti qamtýdy damytý jónindegi basqarýshy direktor; ekonomika, qarjy, aýdit pen biýdjet jónindegi basqarýshy direktor qyzmetterin atqardy.
2017–2019 jyldary — «PSA» JShS bas direktory (Munai-gaz jobalary boiynsha QR Úkimetiniń ókiletti organy).
2019 jyldyń shilde aiynan bastap QR energetika vitse-ministri qyzmetin atqardy.
