Shymkent qalasynyń áýejaiynda jeke derekterdi rastaý úshin eGov Mobile qosymshasy arqyly tsifrlyq jeke kýálikti paidalanýǵa bolady, dep habarlaidy "Ult aqparat" IIDM baspasóz qyzmetine silteme jasap.
Áýejaida tsifrlyq jeke kýálikti paidalaný úshin eGov mobile qosymshasynda avtorlandyrylǵan paidalanýshy «Tsifrlyq qujattar» bólimine kirip, tizimnen jeke kýálikti tańdaý qajet.
Áýejaidyń tirkeý bóliminde, sondai-aq ushý aldyndaǵy tekserýden ótý kezinde serviste jasalǵan QR-kody bar smartfonnyń ekranyn kórsetý qajet.
Ishki reisterde tsifrlyq jeke kýálikti paidalaný múmkindigi QR Indýstriia jáne infraqurylymdyq damý ministrligi, QR Tsifrlyq damý, innovatsiialar jáne aeroǵarysh ónerkásibi ministrligi, «Qazaqstannyń aviatsiialyq ákimshiligi» AQ, otandyq áýe kompaniialary men áýejailarynyń jáne «Ulttyq aqparattyq tehnologiialar» AQ júielerdi integratsiialaý boiynsha birlesken kúsh-jigeriniń nátijesinde paida boldy.
Tsifrlyq qujattar qyzmeti pilottyq rejimde jumys isteidi jáne ázirge Nur-Sultan, Almaty, Aqtóbe jáne Shymkent qalalary arasynda qoljetimdi.
Osy áýejailar qyzmetin paidalanýdy josparlap otyrǵan jolaýshylardyń pilottyq joba kezinde jeke kýáliginiń túpnusqasyn da ózimen birge alyp júrgeni jón bolady.
