Foto: NUR.KZ/Alena Býtenko
Endi qazaq tilinde oqityn mektepterde 1-synyp oqýshysy bir ǵana tildi, iaǵni qazaq tilin meńgeredi. Orys tili 2-synyptan, aǵylshyn tili 3-synyptan bastap oqytylady, dep habarlaidy QazAqparat.
Bul týraly Bilim jáne ǵylym ministri Ashat Aimaǵambetov nur.kz portalyna bergen suhbatynda aitty.
«Zertteýler men taldaýlar júrgizgennen keiin biz birinshi synyp oqýshysyna birden 3 tildi meńgerý qiyn ekenin kórdik. Bul – tiimsiz. Biz bul máselege qatysty sheshim qabyldadyq. Endi qazaq tilinde oqityn mektepterde 1-synyp oqýshysy bir ǵana tildi, iaǵni qazaq tilin meńgeredi. Biz balanyń aldymen óz ana tilinde oqýdy jáne jazýdy úirenýi úshin tiisti jumys júrgizip jatyrmyz. Ekinshi synypta baǵdarlamaǵa orys tili, úshinshi synypta aǵylshyn tili qosylady. Orys tilinde oqityn mektepterde 1-synypta orys tili men memlekettik til, al 3-synyptan bastap aǵylshyn tili bolady», - dep túsindirgen ministr.
Ádisteme turǵysynan alyp qaraǵanda, bul – durys baǵyt ekenin de atap ótken vedomstvo basshysy. Mundai zertteýler men usynystar buryn da bolǵan, sol sebepti ony engizý josparlanyp otyr.
