kórneki sýret
Eńbek jónindegi ýákiletti organǵa NEET sanatyndaǵy jastardy jumysqa ornalastyrý boiynsha quziret berilmek. Bul týraly búgin Úkimet otyrysynda QR Aqparat jáne qoǵamdyq damý ministri Asqar Ýmarov málim etti, dep habarlaidy QazAqparat.
«Osy jyldyń 5 qańtarynda QR Parlamenti Májilisimen «QR-nyń keibir zańnamalyq aktilerine memlekettik jastar saiasaty máseleleri boiynsha ózgerister men tolyqtyrýlar engizý týraly» QR zańynyń jobasy jumysqa qabyldandy. Osy zań jobasy aiasynda NEET sanatyndaǵy jastar uǵymyn zańnamalyq bekitý qarastyrylǵan. Sondai-aq eńbek jónindegi ýákiletti organǵa NEET sanatyndaǵy jastardy jumysqa ornalastyrý boiynsha quziret berý kózdeledi», - dedi Asqar Ýmarov.
Onyń aitýynsha, ministrlik «Ulttyq rýhani jańǵyrý» ulttyq jobasyn, QR-nyń jastardy qoldaýdyń 2021-2025 jyldarǵa arnalǵan keshendi josparyn iske asyrýdy jalǵastyrady.
«Onyń aiasynda osy sanattaǵy jastardy áleýmettendirýge baǵyttalǵan is-sharalar júzege asyrylady. Memleket basshysy belgilegen tapsyrmalardy iske asyrý aiasynda birinshi, NEET sanatyndaǵy jastardy áleýmettendirýdi aqparattandyrýdy arttyrý maqsatynda memlekettik qoldaý is-sharalary týraly NEET sanatyndaǵy jastarmen jumys jónindegi jumys kartasyn ázirleý usynylady. Ekinshi, jastardy qoldaý jóninde qosymsha is-sharalardy qamtý maqsatynda 2021-2025 jyldarǵa arnalǵan jastardy qoldaý jónindegi keshendi josparǵa ózgeris engizý qajet. Úshinshi, QR Qarýly kúshterinde mindetti jáne merzimdi qyzmet atqarý kezinde jastarǵa patriottyq tárbie berý, jastardyń dene shynyqtyrý jáne ziiatkerlik daiarlyǵy, sondai-aq mamandyqtarǵa oqytý boiynsha jańa tásilderdi engizý kerek», - dedi ministr.
