QR Eńbek jáne halyqty áleýmettik qorǵaý ministrligi (budan ári – QR Eńbekmini) memlekettik qyzmetterdi treking júiesinde naqty ýaqytta 31 qyzmet kórsetý mártebesin qadaǵalaidy.
Bul týraly ministrliktiń baspasóz qyzmeti habarlaidy.
Baspasóz qyzmetiniń málimetterine qaraǵanda, ministrlik monitoring júrgizetin qyzmetterdiń ishinde jergilikti ókiletti organdardyń sheshimderi boiynsha muqtaj azamattardyń jekelegen sanattaryna áleýmettik kómek taǵaiyndaý, jumyssyz retinde tirkeý týraly anyqtama berý, ótinish berýshiniń (otbasynyń) ataýly áleýmettik kómek alýshylarǵa jatatyndyǵyn rastaityn anyqtama berý jáne t.b. bar.
«Qyzmetter trekinginde qandai da bir qyzmetti kórsetýge qansha ótinim qabyldanǵanyn, qansha tabystyń óńdelgenin, jumysta nemese merzimi ótkenin tekserýge bolady. Mysaly, qazirgi ýaqytta «Jergilikti ókiletti organdardyń sheshimi boiynsha muqtaj azamattardyń jekelegen sanattaryna áleýmettik kómek taǵaiyndaý» qyzmeti boiynsha 214 366 ótinish qabyldandy, 3 447 ótinishtiń merzimi ótken. Olardyń árqaisysy boiynsha onyń qai kezeńde turyp qalǵanyn, naqty qai mamannyń bar ekenin jáne qashan bolatynyn kóremiz», – dedi QR Eńbek jáne halyqty áleýmettik qorǵaý vitse-ministri Nariman Muqyshev.
Buǵan deiin habarlanǵandai, QR Eńbek jáne halyqty áleýmettik qorǵaý ministrliginde memlekettik qyzmetter trekingi júiesi ázirlendi. Onyń nátijesinde Ministrlik qyzmetkerleri naqty ýaqyt rejiminde kelip túsken jáne óńdelgen ótinimderdiń sanyn, olardyń qansha merzimi ótkenin jáne t.b. egjei-tegjeili baqylai alady. Aldaǵy ýaqytta bul derekter óńirlerde memlekettik qyzmet kórsetý sapasyn taldaý jáne qajetti sharalar qabyldaý úshin negiz bolady.
