Foto: Ashyq derekkózden
Eńbek jáne halyqty áleýmettik qorǵaý ministri Tamara Dúisenovadan 17 jeltoqsandaǵy demalys kúnin qaitarýdy surady, - dep habarlaidy Tengrinews.kz portaly.
Mundai suranys "Ashyq dialog" portalyndaǵy Eńbek ministriniń blogyna jiberildi. Er adam Eńbek ministrliginiń basshysynan 17 jeltoqsanda demalys kúni mártebesin qaitarý múmkindigin qarastyrýdy suraǵan.
"Olar 25 qazan - Qazaqstan Respýblikasy kúni demalys kúni mártebesin qaitardy, biraq 1 jáne 17 jeltoqsandy alyp tastady. Men túsinemin, bálkim, Eńbek ministrligi eńbek pen demalystyń tepe-teńdigine súiengen shyǵar, biraq biz, Qazaqstan Respýblikasynyń azamattary, 17 jeltoqsan árqashan memlekettik mereke mártebesine ie bolǵanyna úirenip qalǵanbyz", - dep jazdy úndeý avtory.
Buǵan jaýap retinde Tamara Dúisenova Qazaqstanda toilanatyn merekelerdiń quqyqtyq negizderi "Qazaqstan Respýblikasyndaǵy merekeler týraly" zańmen retteletinin aitty.
"Zańnyń 5-babyna sáikes, Qazaqstan Respýblikasynda ulttyq jáne memlekettik merekeler toilanatyn kúnder - Qazaqstan Respýblikasynyń eńbek zańnamasyna sáikes mereke kúnderi.
16 jeltoqsan - 1986 jylǵy Jeltoqsan oqiǵasyna tikelei bailanysty kún bolǵandyqtan memlekettik mereke. Al eske alý kúni - 17-18 jeltoqsan. Osyǵan bailanysty 17 jeltoqsandy memlekettik mereke retinde atap ótýdi orynsyz dep sanaimyz", - dedi eńbek jáne halyqty áleýmettik qorǵaý ministri.
