Biylǵy jyldyń 8 aiynda 430 myń adam Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshysy boldy.
Ol arqyly 279,8 myń adam jumysqa ornalastyrylsa, onyń ishinde 146,7 myń adam turaqty jumysqa turdy, dep habarlaidy QR Eńbk jáne halyqty áleýmettik qorǵaý ministrliginiń baspasóz qyzmeti.
Baspasóz qyzmeti taratqan málimetterge qaraǵanda, 159,8 myńnan astam adam sýbsidiialanatyn jumys oryndarymen qamtyldy. Onyń ishinde 17 myń adam áleýmettik jumys oryndaryna, 26 myń adam jastar tájiribesine, 116 myń adam qoǵamdyq jumystarǵa ornalastyryldy.
Eńbek resýrstarynyń utqyrlyǵyn arttyrý maqsatynda biylǵy jyldyń 1 qyrkúiegine jumys kúshi artyq ońtústik óńirlerden 4 386 adam, iaǵni 1 273 otbasy qonys aýdardy.
2020 jylǵy 1 qyrkúiektegi jaǵdai boiynsha qysqa merzimdi oqý kýrstaryna 13,6 myń adam jiberildi, onyń ishinde 1,4 myń adam oqýdy aiaqtap, 484 adam jumysqa ornalasty.
Memlekettik baǵdarlama aiasynda jyl basynan beri jappai kásipkerlikti damytý úshin 30,4 mlrd teńge somasyna 6 984 mikrokredit berildi, onyń ishinde aýyl kásipkerlerine 25,9 mlrd teńgege 3 687 mikrokredit berildi. Mikrokredit alýshylar 7 382 jumys ornyn ashty.
«Jappai kásipkerlikti damytý aiasynda mikrokreditteýdi 2020 jylǵa deiin qarjylandyrý kólemi 52,6 mlrd teńgeni quraidy, onyń 82,3%-y (43,3 mlrd teńge) aýyldyq jerlerge jáne 17,7%-y (9,3 mlrd teńge) qalalarǵa keledi.
Sondai-aq, baǵdarlamaǵa qatysýshylarǵa jańa biznes-ideialardy júzege asyrý úshin 200 AEK mólsherinde 38 myńnan astam memlekettik grant beriledi. Aǵymdaǵy jyldyń 1 qyrkúiegine 20 myńnan asa grant bólinip úlgerdi.
Budan tys, «Bastaý Biznes» jobasy boiynsha 30 myń adam kásipkerlik negizderine oqytylady», - delingen habarlamada.
