Almatyda «Eńbek» memlekettik baǵdarlamasyna 32 myńnan astam adam qatysty, dep habarlaidy "Ult aqparat" ministrlikke silteme jasap.
Almaty qalasynda 32,8 myńnan astam adam Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshylary boldy.
Almaty qalasy Halyqty jumyspen qamtý ortalyǵynyń aqparatynda Baǵdarlamany iske asyrý sheńberinde elimizdiń iri qalasynda ýaqytsha jumys oryndaryna 15 560 adam, onyń ishinde 1116 adam – áleýmettik jumys oryndaryna, 992 adam – jastar praktikasyna jáne 13 452 adam – qoǵamdyq jumystarǵa jiberilgen. Turaqty jumys oryndaryna 15 015 adam jumysqa ornalastyryldy.
Biznes-ideialardy iske asyrýǵa 200 AEK-ke deiingi mólsherde 1 306 memlekettik grant jáne 43 mikrokredit bólindi.
Qysqa merzimdi kýrstarǵa 876 adam jiberildi, olar oqýdy aiaqtaǵannan keiin tiisti jumys oryndaryna ornalastyryldy.
Osylaisha, mamandyǵy boiynsha qarjyger Dýman Kaiýpov jumys izdeýde qiyndyq kórgen soń oqýdan ótip, býhgalter boldy.
«Bundai múmkindik týraly maǵan dosym aitqan bolatyn. Jumyspen qamtý ortalyǵyna habarlasýǵa bolatynyn, onda qaita oqýǵa jiberetini týraly aitty. Men býhgalteriia kýrsynan ótýdi sheshtim. Ózimdi jaqsy jaǵynan kórsetip, kýrsty úzdik bitirdim. Meni jumysqa aldy, osy uiymda áli kúnge deiin jumys isteimin. Ózime munda unaidy, jalaqysy da jaqsy», – dep óz jetistikterimen bólisti Dýman Kaiýpov.
Qysqa merzimdi bilim berýdiń úlken artyqshylyǵy – talap etiletin mamandarǵa jumys berýshilerdiń ózderi ótinish beredi.
«Azamattardyń qai jumysqa ornalasatynyn tańdaýy – bul jaqsy qubylys. Bireý mamandyq boiynsha jumys taba alady, al bireý qaita oqyp, jańa biliktilik boiynsha kepildik beriletin jumysqa ornalasa alady. Áleýmettik jumys oryndary, qoǵamdyq jumystar jáne jastar praktikasy siiaqty ózge de belsendi sharalar bar», – dep atap ótti Almaty qalasy ákimdiginiń halyqty jumyspen qamtý ortalyǵy direktorynyń orynbasary Nurjan Aýtalif.
Buǵan deiin habarlanǵandai, «Eńbek» memlekettik baǵdarlamasyna 379 myń adam qatysyp, túrli qoldaý aldy. Jumyspen qamtý ortalyqtarynyń joldamalary boiynsha bos jumys oryndaryna 130 myń adam, memleket sýbsidiialaǵan jumys oryndaryna 156 myń adam jumysqa ornalastyryldy, 5 800 jeńildikti kredit jáne 17 200 qaitarymsyz grant berildi, 34,5 myń azamat kásipkerlik negizderine qysqa merzimdi oqytýdan ótýde.
