Batys Qazaqstan oblysynda biyl «Eńbek» memlekettik baǵdarlamasy aiasynda jumyspen qamtý sharalaryna 21,9 myń adamdy tartý kózdelýde, dep habarlaidy "Ult aqparat".
BQO jumyspen qamtýdy úilestirý jáne áleýmettik baǵdarlamalar basqarmasynyń basshysy Altai Qulqaevtyń óńirlik kommýnikatsiialar qyzmeti alańynda málim etkenindei, sonyń ishinde 17,9 myń adamdy jumysqa ornalastyrý josparlanýda.
Aitalyq, tehnikalyq jáne kásibi bilimi bar kadrlardy daiarlaý sharalary aiasynda 1100 adam qysqa merzimdi kásibi oqýmen qamtylmaqshy.
Jappai kásipkerlikti damytý maqsatynda 1,7 mlrd teńgeniń 302 nesiesin (aýyldyq jerdegi shaǵyn nesieniń eń joǵary mólsheri – 2,5 myń AEK, 6,9 mln teńge, qalada 6,5 AEK, 18,1 mln teńge), sondai-aq jańa biznes ideialardy júzege asyrý úshin 1394 qaitarymsyz memlekettik grant (eń joǵary mólsheri – 200 AEK, 555,6 myń teńge) berý kózdelýde.
«Biznes bastaý» jobasy boiynsha 1250 adam kásipkerlik negizderine oqytylmaqshy.
Altai Esmaǵululynyń sózine qaraǵanda, eńbekaqysy memleket esebinen sýbsidiialanatyn ýaqytsha jumys oryndaryna 5,3 myń, sonyń ishinde áleýmettik jumys oryndaryna 795 adam, jastar tájiribesine 1750 jas maman, aqyly qoǵamdyq jumysqa 2785 adam jiberilmek. Oǵan qosa 12550 adam bos jumys oryndaryna ornalastyrylmaqshy.
Memleket basshysynyń halyqtyń ál-aýqatyn jaqsartý jónindegi tapsyrmalaryna sáikes Úkimet qabyldaǵan «Jumyspen qamtýdyń 2020-2021 jyldarǵa arnalǵan Jol kartasy» baǵdarlamasy biyl da jalǵasyn tabady.
«Baǵdarlama aiasynda 2021 jyly 18 jobany júzege asyrý úshin 10,8 mlrd teńge bólindi. Sonyń ishinde 15-i qurylys, úsheýi qaita qurý boiynsha. Jol kartasyn júzege asyrý barysynda 710 jumys orny ashylmaqshy. Al jobalar márege jetkennen keiin 490 turaqty jumys orny paida bolmaqshy. Sondai-aq kásipkerlikti jańa bastaǵandar, sonyń ishinde otbasylyq jáne áleýmettik biznesti qolǵa alǵandar úshin 2,2 mlrd teńge nesie bólinedi. Jańa jumys ornyn ashý shaǵyn nesieleýdiń mindetti sharty bolyp tabylady. Shaǵyn nesieler «Bastaý biznes» jobasynyń túlekterine 7 jylǵa deiingi merzimge beriledi. Jyldyq syiaqy mólsherlemesi 6 paiyzdan aspaityn shaǵyn nesieniń eń joǵary kólemi aýyldyq jerde – 2,5 myń AEK (7,3 mln teńge), qalada – 6,5 myń AEK (19,0 mln teńge)», dedi A.Qulqaev.
