Facebook áleýmettik jelisinde Taraz qalalyq máslihatynyń depýtaty, qazir oblys ortalyǵyndaǵy juqpaly aýrýlar aýrýhanasynda em alyp jatqan Elmira Myrza-Ǵali atalǵan ǵimarattyń sýyqtyǵyna jáne ystyq sýdyń qalypty deńgeide berilmeýine shaǵymdanǵan bolatyn, dep habarlaidy "Ult aqparat".
A talǵan másele boiynsha oblys ákiminiń orynbasary Erjan Jylqybaevtyń tapsyrmasymen arnaiy komissiia quryldy.
«Máseleniń mán-jaiyn zerdeleý úshin quramynda qoǵamdyq baqylaý jáne monitoringilik toptyń Jambyl oblysy boiynsha úilestirýshisi men BAQ ókilderi bar komissiia músheleri atalǵan nysandy aralap, jylý júiesi men qazandyǵynyń jaǵdaiymen tanysty. Belgili bolǵandai, búgin tańǵy saǵat 6.30 ben 7.00 shamasynda jylý berý qazandyǵynan aqaý shyǵyp, jylý temperatýrasynyń tómendegeni anyqtaldy. Oryn alǵan jaǵdai jaýapty qyzmetkerlerdiń kómegimen 1,5 saǵat ishinde qalpyna keltirildi», - delingen oblys ákimdigi baspasóz qyzmetiniń habarlamasynda.
Sondai-aq, arnaiy qorǵanysh kostiýmderin kiip, palatalardy aralaǵan komissiia músheleri emdelýshilermen áńgimeleskendigi aitylǵan. Olardyń sózinshe, palatalardaǵy jaǵdai turaqty, temperatýra qalypty deńgeide berilýde.
