Foto: Ashyq derekkózden
Astana sotynda terakt jasaýǵa daiyndalǵany úshin sottalǵan Astana turǵynyna qatysty qylmystyq istiń egjei-tegjeii jariialandy, - dep habarlaidy Tengrinews.kz portaly elorda sotynyń baspasóz qyzmetine silteme jasap.
Astana qalasy Saryarqa aýdanynyń №2 aýdandyq soty 28 qazanda Sh.-ǵa qatysty aiyptaý úkimin shyǵardy.
Sh-ǵa zańdy kúshine engen sot aktilerimen Qazaqstan Respýblikasynyń aýmaǵynda qyzmetine tyiym salynǵan ýaǵyzshylardyń dini dáristerin zerdelep, tyńdaǵany úshin aiyp taǵylǵan.
"Sh. ishki ister organdary qyzmetkeriniń qabyldaǵan antyn buza otyryp, bilikti kúshtep basyp alýǵa jáne eldiń Konstitýtsiialyq qurylysyn ózgertýge baǵyttalǵan qylmystyq niette bolǵan. Ol narazy adamdar tobyn jinaý úshin pikirlesterdi izdei bastady. Sh. óziniń radikal terroristik ideialaryn nasihattap, kýálerdi 2022 jylǵy 17 mamyrda Astanada zańsyz mitingige qatysýǵa úndegen. Sodan keiin shet memlekettiń elshiligi ǵimaratynda jáne memlekettik organ ǵimaratynda terroristik akt jasaýǵa, jappai tártipsizdikterdi týǵyzýǵa, eldegi bilikti kúshpen basyp alyp, shariǵat tártibin ornatýǵa shaqyrdy", - delingen sot habarlamasynda.
Resmi málimet boiynsha, sot Sh.-ny bilikti kúshpen basyp alýdy, Qazaqstan Respýblikasynyń Konstitýtsiiasyn buza otyryp, bilikti kúshtep ustap turýdy, memleket qaýipsizdigine nuqsan keltirýdi jáne Qazaqstan Respýblikasynyń Konstitýtsiialyq qurylysyn kúshtep ózgertýdi nasihattaǵany, terrorizmdi nasihattaǵany, terroristik qyzmetti uiymdastyrý maqsatynda adamdardy arbap tartqany jáne daiarlaǵany, sondai-aq terrorizm aktisine daiyndalǵany úshin kináli dep tanyǵan.
Prokýror Sh.-ny 19 jylǵa bas bostandyǵynan aiyrýdy suraǵan.
"Sh. óziniń kinásin moiyndamady, biraq radikaldyq ideialardy ustanatynyn joqqa shyǵarmady jáne ony aqtaýdy surady. Sotta kiná men jazany jeńildetetin mán-jailar anyqtalǵan joq. Al onyń ózi qabyldaǵan antty buzýyn sot qylmystyq jaýaptylyqty aýyrlatatyn mán-jai dep tanydy", - delingen habarlamada.
Sot qylmystardyń aýyrlyǵyn eskere otyryp, qylmystyq quqyq buzýshylyqtardyń jiyntyǵy boiynsha jazalardy qosý arqyly Sh.-ny 15 jylǵa bas bostandyǵynan aiyrý jazasyn taǵaiyndaǵan. Sottalǵan jáne onyń advokaty sot úkimine shaǵymdandy.
Apelliatsiialyq saty 2022 jylǵy 13 jeltoqsanda Sh.-ǵa qatysty úkimdi ózgerissiz qaldyrǵan.
Sot úkimi zańdy kúshine endi.
