QR Indýstriia jáne infraqurylymdyq damý ministrliginiń Kólik komiteti jolaýshylar vagondary jəne Nur-Sultan qalasyndaǵy temirjol vokzaldarynyń pandemiia jaǵdaiynda jumys isteýge daiyndyǵyn tekserdi, dep habarlaidy "Ult aqparat".
«QR IIDM Kólik komiteti tóraǵasynyń orynbasary J.Taijanov «QTJ» UK» AQ ókilderimen jáne tasymaldaýshylarmen birge jolaýshylar vagondarynyń jəne Nur-Sultan qalasyndaǵy temirjol vokzaldarynyń pandemiia jaǵdaiynda tasymaldaýdy júzege asyrýǵa daiyndyǵyn tekserdi. Jalpy, kóliktegi bas sanitarlyq dərigerdiń nusqaýlary boiynsha jolaýshylar vagondarynda jəne Nur-Sultan qalasyndaǵy vokzaldarda qajetti is-sharalar jasalǵan», - delingen Indýstriia jáne infraqurylymdyq damý ministrligi taratqan aqparatta.
Vedomstvo málimetinshe, «Nurly Jol» jáne «Nur-Sultan-1» vokzaldarynda jolaýshylardyń aǵynyn retteý úshin shekteý lentalary tartylǵan. Ara qashyqtyqty saqtaý belgileri ornatyldy. Kútý zaldarynda sanitaizerler ornalastyrylǵan. Ərbir jolaýshylar vagondary gigienalyq suiyqtyq jəne qorǵanys qurylǵylarymen qamtylǵan.
«Jalpy, atqarylǵan is-sharalar pandemiia kezinde jolaýshylar tasymalyn maksimaldy túrde qaýipsiz tasymaldaýǵa múmkindik beredi», - dedi ministrlikten.
