Elordanyń sol jaǵalaýynda ornalasqan «Izbýshka» dámhanasynan órt shyqty.
«5 naýryzda saǵat 11:48 Nur-Sultan qalasy TJ bólimsheleri Dostyq 1 meken-jaiynda ornalasqan «Izbýshka» dámhanasyna shaqyrtý boiynsha shyqty», - dep habarlaidy Nur-Sultan qalasynyń TJD baspasóz qyzmeti.
Órt sóndirýge bólimsheniń jeke quramynan 13 adam jáne 3 birlik tehnikasy jumyldyryldy. Olar meken-jaiǵa kelgen bette dámhananyń as úi bólmesiniń janyp jatqanyn anyqtaǵan.
«Órt ornynda qoiý tútin bolǵan jáne qazirgi kezde órt sóndirýshiler órtti oqshaýlaý jumystaryn júrgizýde. Órt 12 saǵat 10 minýtta aýyzdyqtaldy», - deidi habarlamasynda Nur-Sultan qalasynyń TJD baspasóz qyzmeti.
