Nur-Sultan qalasynyń bas memlekettik sanitarlyq dárigeri Sarhat Beisenova mereke qarsańynda elorda turǵyndaryna úndeý jariialady, dep habarlaidy "Ult aqparat".
«Mereke kúnderi qarsańynda qala turǵyndary men elorda qonaqtarynan shekteý jáne karantin sharalaryn saqtaýdy taǵy da ótinip suraǵym keledi: maska rejimi men áleýmettik qashyqtyqty saqtańyzdar, múmkindiginshe kópshilik jinalatyn oryndarǵa barmańyzdar jáne halyq jappai jinalatyn is-sharalar uiymdastyrmańyzdar», - dedi S. Beisenova elorda ákimdiginde ótken onlain brifingte.
Aita keteiik, elordada COVID-19 aýrýy qańtar aiymen salystyrǵanda 33,8%-ǵa tómendedi. Táýligine shamamen 68 infektsiia jaǵdaiy tirkeledi, onyń ishinde 37 jaǵdai simptomdy, 31-i simptomsyz túrde.
Qalada kóbinese 30-39 jastaǵy adamdar basym aýyrady, olar 24,8% quraidy. 50 jastan asqan adamdar – 23,5 % bolsa, balalardyń jalpy syrqattanýshylyqtaǵy úlesi – 14,9% quraidy.
